பெரியபாண்டியின் உடல் ஜோத்பூரில் பிரேத பரிசோதனை - சொந்த ஊரில் இறுதி அஞ்சலி

ராஜஸ்தானில் கொள்ளையர்களை பிடிக்கப் போன போது நடந்த சண்டையில் உயிரிழந்த இன்ஸ்பெக்டர் பெரியபாண்டியின் உடல் ஜோத்பூர் மருத்துவமனையில் பிரேத பரிசோதனை செய்யப்படுகிறது. தனி விமானம் மூலம் தமிழகத்திற்கு கொண்டு

ஜெய்ப்பூர்: ராஜஸ்தானில் கொள்ளையர்களுடன் நடந்த சண்டையில் வீர மரணம் அடைந்த இன்ஸ்பெக்டர் பெரியபாண்டியின் உடல் ஜோத்பூரில் உள்ள அரசு மருத்துவமனையில் பிரேத பரிசோதனை செய்யப்படுகிறது. தனி விமானத்தில் தமிழகம் கொண்டு வரப்பட்டு சொந்த ஊரில் இறுதிச்சடங்குகள் செய்யப்பட உள்ளது.

சென்னை, கொளத்தூாில் நகைக்கடை கொள்ளை தொடா்பாக சென்ராம், சங்கர்லால் உள்பட 4 பேரை காவல்துறையினா் கைது செய்திருந்தனா்.

வழக்கில் முக்கிய குற்றவாளிகளான நாதுராம் மற்றும் தினேஷ் சௌத்ரியை கைது செய்ய 6 போ் கொண்ட தனிப்படை அமைக்கப்பட்டு ராஜஸ்தானுக்கு அனுப்பி வைக்கப்பட்டது.

ஜெய்பூா் அருகே பாலி மாவட்டத்தில் உள்ள செங்கல்சூளை ஒன்றில் குற்றவாளிகள் பதுங்கியிருந்தனா். அவா்களை இன்று அதிகாலை பிடிக்க முயன்றபோது கொள்ளையா்களுக்கும், காவல்துறையினருக்குமிடையே சண்டை ஏற்பட்டது.

நாதுராமின் உறவினர்கள் பலர் தமிழக காவலர்கள் மீது கற்களை வீசி தாக்கினர். இதனையடுத்து இன்ஸ்பெக்டர்கள் பெரியபாண்டி, முனிசேகரின் துப்பாக்கியை பறித்த கொள்ளையர்கள் சராமாரியாக சுட்டனர்.
இந்த தாக்குதலில் காவல் ஆய்வாளா் பொியபாண்டி சம்பவ இடத்திலேயே உயிாிழந்தாா். கொளத்தூா் காவல் ஆய்வாளா் முனி சேகா் காயமடைந்தாா்.

இன்ஸ்பெக்டர் முனிசேகர் அளித்த புகாரின் பேரில் பாலி போலீசார் வழக்குப் பதிவு செய்து 9 பேரிடம் விசாரணை நடத்தினர். கொள்ளையர்களிடமிருந்து தமிழக போலீசார் துப்பாக்கிகள் பறிமுதல் செய்யப்பட்டுள்ளது. அவர்கள் கொடுத்த தகவலின் பேரில் இன்ஸ்பெக்டர் பெரியபாண்டியின் உடலை மீட்டு ஜோத்பூருக்கு கொண்டு வந்தனர். அங்கு அரசு மருத்துவமனையில் பிரேத பரிசோதனை செய்யப்படுகிறது.

இதனையடுத்து தனி விமானம் மூலம் நாளை தமிழகத்திற்குக் கொண்டு வரப்படுகிறது. சொந்த ஊரில் இறுதி அஞ்சலி செய்யப்பட்டு அரசு மரியாதையுடன் அடக்கம் செய்யப்படும் என கூறப்பட்டுள்ளது.

English summary

Killed TamilNadu Inspector Periya Pandi's body has been taken to Jodhpur GH for postmortem.