• search
For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஸ்டாலின் சுதந்திர தின உரை: "பல்துறை வளர்ச்சி கண்ட மாநிலமாக தமிழகம் உள்ளது"

By BBC News தமிழ்
|
ஸ்டாலின்
BBC
ஸ்டாலின்

இந்தியாவின் 76ஆவது சுதந்திர தினத்தை முன்னிட்டு தலைமைச் செயலகத்தில் தேசிய கொடியேற்றி உரையாற்றினார் தமிழக முதலமைச்சர் மு. க. ஸ்டாலின். அவரின் உரையிலிருந்து சில முக்கிய தகவல்கள்.

  • உலக விளையாட்டுப் போட்டிகள் நடத்துவது முதல், ஒரே ஒரு இளைஞர் கூட போதைப் பொருளால் பாதிக்கப்பட கூடாது என்பது வரையிலான முயற்சிகளில் அரசு ஈடுபட்டு வருகிறது.
  • இந்திய மக்கள் அனைவரும் வேற்றுமைகளை மறந்து ஒருதாய் மக்களாக உணர்ந்து பாடுபட்டதால்தான் இந்த சுதந்திரம் கிடைத்துள்ளது. ஒற்றுமையால் கிடைத்த சுதந்திரத்தை அதே ஒற்றுமையால்தான் காக்க முடியும். தேசிய கொடியின் நிறம் மூன்றாக இருந்தாலும் மூன்றும் ஒரே அளவோடுதான் ஒன்றிணைந்து இருக்கின்றன.
  • வெளிப்புற சக்திகளின் தாக்குதலை வெல்ல வேண்டுமானால் உள்புற ஒற்றுமை என்பது அவசியம். இதுதான் உயிரை கொடுத்து இந்திய விடுதலைக்காக பாடுபட்ட உத்தமர்களுக்கு நாம் கொடுக்கும் உண்மையான அஞ்சலி.
  • அனைத்து துறைகளிலும் தன்னிறைவு பெற்ற மாநிலங்களின் துணையோடு ஒன்றிய இந்தியாவை வலுப்படுத்துவோம். வேற்றுமையில் ஒற்றுமை காண்போம்.
  • உத்தரப் பிரதேசத்தில் உள்ள காசியில் பாரதியார் வாழ்ந்த வீட்டை பராமரிக்க அரசு சார்பில் ரூபாய் 18 லட்சம் ஒதுக்கீடு செய்யப்பட்டுள்ளது.
  • தொழில் வளர்ச்சி, சமூக மாற்றம், கல்வி மேம்பாடு ஆகிய அனைத்தும் ஒரே நேரத்தில் நடக்க வேண்டும். வளர்ச்சி என்பது சமூக வளர்ச்சியாக இருக்க வேண்டும். கடந்த ஓர் ஆண்டு காலத்தில் தமிழகம் பல்துறை வளர்ச்சி பெற்றுள்ளது.
  • வேளாண்மைத் துறைக்கு கொடுத்த முக்கியத்துவத்தின் மூலமாக பாசன பரப்பு அதிகரித்துள்ளது.
  • இல்லம் தேடி கல்வி திட்டத்தின் மூலம் குழந்தைகள் கல்வியை தொடரும் நிலை ஏற்பட்டுள்ளது.
  • செஸ் ஒலிம்பியாட் போட்டிகளை உலகமே வியக்கும் அளவிற்கு நடத்தியுள்ளோம். இதேபோல விளையாட்டுத் துறையில் மாணவர்களின் எண்ணிக்கையை அதிகரிக்கும் முயற்சிகள் மேற்கொள்ளப்பட்டு வருகின்றன.
  • 2500 கோடி ரூபாய் மதிப்பிலான கோயில் சொத்துக்கள் இந்த ஓராண்டு காலத்தில் மீட்கப்பட்டுள்ளன.

https://www.youtube.com/watch?v=9RvliVgy_-A

சமூக ஊடகங்களில் பிபிசி தமிழ்:

BBC Tamil
English summary
Tamil Nadu is a multi-faceted state, CM MK Stalins speech in Independence day
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X