அட நம்புங்க பாஸ்.. இந்தியாவில் சிறந்த ஆட்சியை தரும் மாநிலங்களின் பட்டியலில் தமிழகம் 2ம் இடம்!
இந்தியாவில் சிறந்த ஆட்சியை வழங்கும் மாநிலங்களில் தமிழகம் இரண்டாம் இடம் பிடித்து இருப்பதாக பொது விவகார மையம் என்ற அமைப்பு நடத்திய ஆய்வி தெரிவிக்கப்பட்டு இருக்கிறது.
பெங்களூர்: இந்தியாவில் சிறந்த ஆட்சியை வழங்கும் மாநிலங்களில் தமிழகம் இரண்டாம் இடம் பிடித்து இருப்பதாக பொது விவகார மையம் என்ற அமைப்பு நடத்திய ஆய்வி தெரிவிக்கப்பட்டு இருக்கிறது.
பொது விவகார மையம் எனப்படும் பப்ளிக் அஃபயர்ஸ் செண்டர் இந்தியா என்ற பெங்களூரை சேர்ந்த அமைப்புதான் இந்த பட்டியலை வெளியிட்டு இருக்கிறது. இந்த அமைப்பு கடந்த 1994ம் ஆண்டு நிறுவப்பட்டது.
இந்தியாவில் எல்லா மாநிலத்திலும் சிறப்பான ஆட்சி வழங்குவதற்கும், திட்டங்களை மக்களை சென்று சேர்வதற்கும் இந்த நிறுவனம் ஆலோசனை வழங்கி வருகிறது.
எதை வைத்து
மொத்தம் 30க்கும் அதிகமான விஷயங்களை வைத்து, இந்த பட்டியலை வெளியிட்டு இருக்கிறார்கள். பெரிய மாநிலங்களில், சிறிய மாநிலங்கள் என்று இரண்டு வகையாக பிரித்து மாநிலங்களை ஆய்வு செய்து இருக்கிறார்கள். அதன்பின், சிறந்த மாநிலங்களை வகைப்படுத்தி இருக்கிறார்கள்.
கேரள முதலில்
இந்த பட்டியலில் சிறந்த ஆட்சி தரும் மாநிலமாக கேரளா பெயர் எடுத்து இருக்கிறது. அந்த மாநில அரசு மக்களுக்கு மிகவும் பிடித்தபடி ஆட்சி செய்வதாக அறிக்கையில் கூறப்பட்டுள்ளது. அதேபோல், அரசின் நலத்திட்டம் அப்படியே மக்களிடம் குறைவில்லாமல் சென்று சேர்ந்து இருப்பதாக, அறிக்கையில் கூறப்பட்டுள்ளது.
தமிழகம் இரண்டாம் இடம்
இந்த பட்டியலில் தமிழகம் இரண்டாம் இடம் பிடித்து இருக்கிறது. கேரளாவிற்கு அடுத்தப்படியாக தமிழகம் இரண்டாம் இடம் பிடித்துள்ளது. தமிழக அரசில் நிறைய பிரச்சனைக மாற்றங்களும் குழப்பங்களும் வந்த பின்பும் கூட, தமிழகம் இரண்டாம் இடத்தை பிடித்து இருப்பது குறிப்பிடத்தக்கது.
காரணம் என்ன
தமிழகம் அதிக மக்கள் தொகையில் கூட, இரண்டாம் இடத்தை பிடித்து இருக்கிறது என்பது குறிப்பிடத்தக்கது. சுமார் 7.50 கோடி மக்கள் தொகையுடன் கூட, அரசின் திட்டங்கள் பெரும்பாலும் மக்களை சென்று சேர்ந்து இருப்பதாக கூறப்பட்டுள்ளது. அதேபோல், பெரும்பாலான புதிய திட்டங்கள் ஆட்சியில் அறிமுகமாகி உள்ளதாக கூறப்பட்டுள்ளது.
Click it and Unblock the Notifications
Sign in with Google