ஜம்மு காஷ்மீரில் பெண்ணை நடுத்தெருவில் நிர்வாணமாக்கி வீடியோ எடுத்த ராணுவ வீரர் அடங்கிய கும்பல்
ஜம்மு: ஜம்மு காஷ்மீரில் பொது மக்கள் முன்னிலையில் பெண் ஒருவரை ராணுவ வீரர் உள்பட 5 பேர் சேர்ந்து நிர்வாணமாக்கி அவமானப்படுத்தியுள்ளனர்.
ஜம்மு காஷ்மீர் மாநிலம் உத்தம்பூர் மாவட்டத்தில் இருக்கும் ஜகனூ பகுதியில் பெண் ஒருவர் இரு சக்கர வாகனத்தில் பில்லியனாக சென்றுள்ளார். அப்போது ராணுவ வீரர் உள்பட 5 பேர் கொண்ட கும்பல் இரு சக்கர வாகனத்தை மறித்து அந்த பெண்ணிடம் முறை தவறி நடந்துள்ளது.
இதனால் ஆத்திரம் அடைந்த அந்த பெண் தனது எதிர்ப்பை தெரிவித்துள்ளார். உடனே அந்த கும்பல் அந்த பெண்ணை பொதுமக்கள் முன்னிலையில் ஆடையை அவிழ்த்து நிர்வாணமாக்கி அவமானப்படுத்தியுள்ளது.
மேலும் அந்த கும்பலைச் சேர்ந்த ஒருவர் இந்த சம்பவத்தை தனது செல்போனில் வீடியோ எடுத்து அதை வாட்ஸ்ஆப்பில் வெளியிட்டுவிட்டார். அந்த வீடியோ வாட்ஸ்ஆப்பில் தீயாக பரவியுள்ளது.
இந்த சம்பவம் குறித்து வழக்குப்பதிவு செய்த போலீசார் 3 பேரை கைது செய்து விசாரணை நடத்தி வருகின்றனர்.