அபுதாபியில் நடந்த ரத்ததான முகாம்: 60க்கும் மேற்பட்ட தமிழர்கள் பங்கேற்பு

By Siva

Updated: Tuesday, December 8, 2015, 13:07 [IST]

Subscribe to Oneindia Tamil

அபுதாபி: அபுதாபி தமுமுகவின் சார்பில் கடந்த 6ம் தேதி ரத்த தான முகாம் நடைபெற்றது.

டிசம்பர் 6ம் தேதி அன்று மாலை 5 மணியளவில் அபுதாபி தமுமுகவின் சார்பாக அபுதாபி ரத்த வங்கியில் ரத்த தான முகாம் நடைபெற்றது. இம்முகாமில் அபுதாபி வாழ் தமிழர்கள் 60க்கும் மேற்பட்டோர் கலந்து கொண்டு ரத்ததானம் செய்தனர்.

இந்நிகழ்ச்சி அபுதாபி தமுமுக செயலாளர் திருச்சி சபியுல்லாஹ் தலைமையில் நடைபெற்றது.

அபுதாபி மண்டல முன்னாள் தலைவர் பொதக்குடி தாஜிதீன், பொருளாளர் பரங்கிப்பேட்டை அபுல் ஹசன், துணைச் செயலாளர் அடியற்கை ஏ.ஐ. சேக்தாவுது, மர்கஸ் பொறுப்பாளர் உஸ்மான் அலி மற்றும் அபுதாபி மண்டல மமக செயலாளர் அடியற்கை அல் அமீன் ஆகியோர் நிகழ்ச்சி ஏற்பாடுகளை திறம்பட செய்திருந்தனர்.