செக்ஸ் பொம்மையைப் பார்த்து ஐஎஸ்ஐஎஸ் கொடி என்று அலறிய சிஎன்என்

லண்டன்: லண்டலில் நடந்த ஓரினச் சேர்க்கையாளர்கள் பேரணியின்போது செக்ஸ் பொம்மைகள் தொடர்பான ஒரு கொடியைப் பார்த்து அது ஐஎஸ்ஐஎஸ் கொடி என்று பரபரப்பைக் கிளப்பி தர்மசங்கடத்திற்குள்ளாகியுள்ளது அமெரிக்காவின் சிஎன்என்.

அமெரி்க்காவில் ஓரினச் சேர்க்கையாளர்களின் திருமணத்திற்கு அந்த நாட்டு சுப்ரீம் கோர்ட் சட்டப்பூர்வ அங்கீகாரத்தை அளித்துள்ளது. இதையடுத்து அங்கு கொண்டாட்டங்கள் களை கட்டியுள்ளன.

இந்த நிலையில் லண்டனில் ஆயிரக்கணக்கான ஓரினச் சேர்க்கையாளர்கள் கலந்து கொண்ட பிரைட் கொண்டாட்டம் நடைபெற்றது. இதில் ஓரினச் சேர்க்கையாளர்கள், அவர்களின் ஆதரவாளர்கள் உள்பட ஆயிரக்கணக்கானோர் கலந்து கொண்டனர்.

இந்தப் பின்னணியில் இதுதொடர்பான செய்தியை ஒளிபரப்பிய சிஎன்என் டிவி, திடீரென இந்த பிரைட் கொண்டாட்ட பேரணியில் ஐஎஸ்ஐஎஸ் கொடி தெரிவதாக பரபரப்பைக் கிளப்பியது. இதுதொடர்பாக சிஎன்என் தொலைக்காட்சியின் சர்வதேச செய்தி ஆசிரியர் லூசி பாவ்ல், தான் இந்தக் கொடியை பார்த்ததாகவும், சிஎன்என்தான் இந்த செய்தியை முதலில் வெளியிடுகிறது என்றும் கூறியிருந்தார்.

ஆனால் அந்த சர்ச்சைக்குரிய கொடி ஐஎஸ் கொடி அல்ல. மாறாக அது செக்ஸ் பொம்மைகளின் படங்கள் இடம் பெற்ற கொடியாகும். செக்ஸ் பொம்மைகள் குறித்த விழிப்புணர்வு பேனராகும் அது. இதைத்தான் ஐஎஸ் கொடி என்று கூறி விட்டது சிஎன்என்.

அரண்டவனுக்கு இருண்டதெல்லாம் பேய்....!

English summary

After a day that has seen Britain come to terms with the deaths of a high number of British tourists in Tunisia, following an attack linked to ISIS (Islamic State), CNN claimed that an ISIS flag was flown at London’s Pride celebrations. Earlier today, PinkNews reported that security was stepped up at the event following yesterday’s terrorist attacks in France and Tunisia.