ஆபீஸில் ஒரே இடத்தில் உட்கார்ந்திருக்கிறீர்களா?: இதயம் பத்திரம்
ஆரிகன்: ஒரே இடத்தில் உட்கார்ந்திருக்காமல் மணிக்கு ஒரு முறை 5 நிமிடங்கள் நடப்பது இதயத்திற்கு நல்லது என்று அமெரிக்காவில் வாழும் இந்திய வம்சாவளியைச் சேர்ந்த ஆராய்ச்சியாளர் சவ்ரப் தோசர் தெரிவித்துள்ளார்.
அமெரிக்காவில் உள்ள ஆரிகன் மாநிலத்தில் இருக்கும் ஆரிகன் ஹெல்த் அன்ட் சயன்ஸ் பல்கலைக்கழகத்தில் ஆராய்ச்சியாளராக உள்ளவர் இந்திய வம்சாவளியைச் சேர்ந்த சவ்ரப் தோசர்.
அவர் செய்த ஆய்வின் முடிவு விவரம் வருமாறு,
ஆரோக்கியமானோர்
20 முதல் 35 வயது வரை உள்ள ஆரோக்கியமான ஆண்கள் 11 பேர் ஆய்வில் கலந்து கொண்டனர்.
ஒரே இடத்தில்
அந்த 11 பேரும் ஒரே இடத்தில் கால்களைக் கூட அசைக்காமல் 3 மணிநேரம் உட்கார வைக்கப்பட்டனர். அவ்வாறு உட்கார்ந்தபோது அவர்களின் இதயத்தில் ரத்த ஓட்டம் பாதிக்கப்பட்டது.
நடை
11 பேரும் ஒரு இடத்தில் அமர வைக்கப்பட்டு ஒவ்வொரு மணிநேரத்திற்கும் ஒரு முறை 5 நிமிடங்கள் நடந்தனர். அவ்வாறு நடந்தபோது அவர்களின் இதயத்தின் செயல்பாடு நன்றாக இருந்தது.
இதயம்
அலுவலகங்களில் வேலை செய்பவர்கள் ஒரு நாளைக்கு 8 மணிநேரம் உட்கார்ந்திருக்கிறார்கள். அவர்கள் மணிக்கு ஒரு முறை 5 நிமிடங்கள் நடப்பது இதயத்திற்கு நல்லது. இல்லை என்றால் இதய பிரச்சனை ஏற்படும் என்கிறார் சவ்ரப்.
Click it and Unblock the Notifications
Sign in with Google