கெட் வெல் சூன் அம்மா... ஜெயலலிதா நலம் பெற அமெரிக்காவில் பிரார்த்தனை

லாஸ் ஏஞ்செல்ஸ்: சென்னை அப்பல்லோ மருத்துவமனையில் சிகிச்சை பெற்று வரும் முதல்வர் ஜெயலலிதா விரைவில் பூரண நலம் பெற வேண்டி, அமெரிக்காவில் மழலையர் பள்ளி மாணவர்கள் சிறப்பு பிரார்த்தனை செய்தனர். கெட் வெல் சூன் அம்மா என்று அவர்கள் தெரிவித்தனர்.

முதல்வர் ஜெயலலிதா விரைவில் நலம் பெற தமிழகம் முழுவதும் பல்வேறு இடங்களில் அதிமுகவினர், பொது மக்கள் பிரார்த்தனையில் ஈடுபட்டு வருகின்றனர்.

ஈரோடு மாவட்டம் திண்டலில் உள்ள முருகன் கோயிலில் ஜெயலலிதா பேரவை சார்பில் 501 பால் குட ஊர்வலமும், சிறப்பு வழிபாடும் நடைபெற்றது. திருவண்ணாமலை மாவட்டம் ஆரணி கொசப்பாளையம் முத்துமாரியம்மன் கோயிலில் முதலமைச்சர் பரிபூரணமாக குணம் பெற வேண்டுமென அதிமுகவினர் பிரார்த்தனை செய்தனர்.

அரியலூரில் சுப்பிரமணியர் கோயிலில் முருகனுக்கு பாலாபிஷேகம் செய்யப்பட்டது. முன்னதாக பால் குடம் எடுத்த வந்த ஆயிரக்கணக்கான அதிமுகவினர், கோயிலில் சாமிக்கு சிறப்பு அபிஷேகம் செய்து வழிபாடு நடத்தினர்.

இந்த நிலையில் உலகம் முழுவதும் பலரும் பிரார்த்தனை செய்து வருகின்றனர். அமெரிக்காவில் மழலையர் பள்ளி மாணவர்கள் ஜெயலலிதா நலம் பெற சிறப்பு பிரார்த்தனை நடத்தியுள்ளனர்.

English summary

American school kids Prayer for the speedy recovery of Chief Minister J. Jayalalithaa.