அமெரிக்காவில் உழைப்பாளர்கள் தினம்.. கண் கவர் கொண்டாட்டங்கள்

Published: Tuesday, September 5, 2017, 19:29 [IST]

Subscribe to Oneindia Tamil

சார்லட், அமெரிக்கா: அமெரிக்காவில் நடந்த உழைப்பாளர்கள் தின விழாவையொட்டி பல்வேறு நகரங்களில் கண்கவர் கொண்டாட்டங்கள் இடம் பெற்றன.

நம் நாட்டில் மே 1 ஆம் தேதியை உழைப்பாளர்கள் தினமாகக் கொண்டாடி உழைப்பையும் உழைக்கும் உழைப்பாளர்களையும் பெருமைப்படுத்துகிறோம். அது போல அமெரிக்காவில் உழைப்பாளர்கள் தினம் ஒவ்வொரு வருடமும் செப்டம்பர் மாதம் முதல் திங்கள்கிழமை அன்று கொண்டாடப்படுகிறது.

இந்த நாளில் அனைத்துத் துறைகளிலும் உள்ள உழைப்பாளிகளின் பங்களிப்பு நினைவுகூரப்படுகிறது. இது உழைப்பாளர்களை பெருமைப்படுத்தும் ஒரு தினமாகப் பார்க்கப்படுகின்றது.

கோடை காலத்தின் கடைசி நாளில்

மேலும் இந்த உழைப்பாளர்கள் தினமானது, அங்கு கோடை காலத்தின் கடைசி நாளாகவும் கருதப்படுகிறது. இதற்கு அடுத்த நாள் அங்குள்ள பள்ளிகள் அனைத்தும் விடுமுறை முடித்து துவங்குகின்றன. 1896 ஆம் ஆண்டு முதல் உழைப்பாளர்கள் தினம் விடுமுறை நாளாக அறிவிக்கப்பட்டு அந்த முதல் உழைப்பாளர்கள் தின கொண்டாட்டத்தின் போது எவ்வாறு இத்தினத்தை கொண்டாடலாம் என்று வகுக்கப்பட்டது.

உற்சாகப் பேரணி

உற்சாகமான பேரணிகள் நடத்திக் கொண்டாட முடிவு செய்தனர் இவ்வாறு நடத்தப்படும் பொது அணிவகுப்பில் உழைப்பாளர்கள் யூனியனின் உற்சாகமும் உறுதியும் பொது மக்களுக்கு பறைசாற்றப்படுகின்றன. இந்த வருடம் நடைபெற்ற அமெரிக்காவின் சார்லட் நகரத்தில் நடைபெற்ற உழைப்பாளர்கள் தின பேரணிகள் ஊர்வலங்கள் கொண்டாட்டங்களின் புகைப்படங்கள் உங்களுக்காக.