ஏம்ப்பா, தக்காளி சாஸுக்குள் மூளையப் போட்டது யாருப்பா...!

லண்டன்: இங்கிலாந்தின் வொர்சஸ்டர் நகரில் ஒரு சூப்பர் மார்க்கெட்டில் தக்காளி சாஸ் வாங்கிய பெண், அந்த சாஸுக்குள் ஒரு 'மூளை' இருந்ததைப் பார்த்து பீதியடைந்தார்.

இதுகுறித்து அந்த தக்காளி சாஸ் தயாரிப்பு நிறுவனத்தின் நுகர்வோர் பிரிவு அதிகாரிக்குப் போன் செய்து புகார் கூறியபோது அந்த அதிகாரி என்னங்க மேடம் காமெடி கீமெடி பண்றீங்களா என்று கேட்டுச் சிரித்தாராம்.

ஆனால் தனது தக்காளி சீஸுக்குள் கிடந்தது மூளைதான் என்று அந்தப் பெண் அடித்துக் கூறுகிறார்.

லிடில் பாஸ்தா சாஸ்

அந்தப் பெண்ணின் பெயர் ஜூலின் மார்ட்டர். 47 வயதான இவர் 3 குழந்தைகளுக்குத் தாயாவார். இவர் ஒரு சூப்பர் மார்க்கெட்டில் பிரபலமான லிடில் பாஸ்தா சாஸ் எனப்படும் தக்காளி சாஸை வாங்கினார்.

பாக்கெட்டைத் திறந்தால் மூளை...

பாக்கெட்டைத் திறந்து சாஸை வெளியில் கொட்டியபோது அதில் ஏதோ மிதப்பதைப் பார்த்தார். என்னவென்று வெளியில் எடுத்துப் பார்த்தபோது அச்சு அசல் மனித மூளை போல ஒன்று இருந்ததாம்.

10 செமீ விட்டம்

அந்த 'மூளை'யானது 10 செமீ விட்டத்தைக் கொண்டதாக இருந்ததாக கூறுகிறார் மார்ட்டர்.

ஹலோ கஸ்டமர் கேர்...

இதைப் பார்த்துப் பீதியடைந்த அந்தப் பெண் உடனே கஸ்டமர் கேருக்குப் போனைப் போட்டார். தக்காளி சாஸில் 'மூளை' மிதப்பதாக கூறியுள்ளார்.

அட ஏங்க மேடம் நீங்க வேற...!

ஆனால் கஸ்டமர் கேர் அதிகாரியோ, காமெடி பண்ணாதீங்க மேடம் என்று கூறிச் சிரித்தாராம். மேலும் அது மூளையாக இருக்காது, தக்காளியாக வேண்டுமானால் இருக்கலாம் என்றும் கூறினாராம்.

தக்காளி இல்லையேப்பா...

ஆனால் மறுபடியும் அந்தப் பொருளை சோதனையிட்ட மார்ட்டர், அது தக்காளி இல்லை, நிச்சயம் மூளைதான். நல்லா ஸ்பாஞ்சு போல இருந்தது என்றார்.

போட்டோ எடுத்து அனுப்புங்க

இதையடுத்து கஸ்டமர் கேர் அதிகாரி, அந்த மூளையை புகைப்படம் எடுத்து இமெயிலில் அனுப்பி வைக்குமாறு கூறினாராம். அதன்படி மார்ட்டரும் அனுப்பினாராம். அதன் பிறகு அவர்களிடமிருந்து எந்தத் தாக்கலும் இல்லையாம்.

அட விடுங்க மார்ட்டர்.. இங்கெல்லாம் பல்லி, கரப்பான் பூச்சி, தவளை என பல 'பார்ட்டி'களை எடுத்துப் போட்டு சாப்ட்டிட்டிருக்கோம்.. இதுக்குப் போயி அலட்டிக்கலாமா...!

English summary

A mother-of-three told of her disgust after finding a 'brain' in a packet of Lidl passata sauce this week. Horrified Julleen Marter, 47, made the gruesome discovery as she prepared a family meal of chilli con carne. She was shocked when she poured the passata into a pan last Thursday and noticed chunks of grey matter floating in the sauce.