பாகிஸ்தானை புறவாசலாக பயன்படுத்தும் ஈரான்.. 3000 கண்டெய்னர்கள், 6 வழிகள்.. மெகா திட்டம்!
பாகிஸ்தான் அரசு ஈரானுக்கு செல்லும் பொருட்களை கொண்டு செல்ல 6 புதிய நிலவழி போக்குவரத்து பாதைகளை அதிகாரப்பூர்வமாக திறந்துள்ளது. கடல் வழி போக்குவரத்து தடைபட்டதால் பாகிஸ்தான் துறைமுகங்களில் சிக்கியுள்ள ஈரானுக்கு செல்ல வேண்டிய ஆயிரக்கணக்கான கண்டெய்னர்களை சாலை மூலம் கொண்டு செல்ல இந்த முடிவு எடுக்கப்பட்டுள்ளது.
கராச்சி உள்ளிட்ட பாகிஸ்தான் துறைமுகங்களில் ஈரானுக்கு செல்ல வேண்டிய 3,000-க்கும் மேற்பட்ட கண்டெய்னர்கள் நீண்ட நாட்களாக சிக்கியுள்ளன. அமெரிக்காவின் தடை மற்றும் ஹார்முஸ் நீரிணை பகுதியில் ஏற்பட்டுள்ள போக்குவரத்து இடையூறுகள் காரணமாக ஈரானுக்கான கடல்வழி போக்குவரத்து பாதிக்கப்பட்டு உள்ளது.
இந்த நிலையில் தற்போது திறக்கப்பட்டுள்ள ஆறு நிலவழி பாதைகள் மூலம் இந்த 3000 கண்டெய்னர்களை சாலை வழியாக ஈரானுக்கு அனுப்ப பாகிஸ்தான் திட்டமிட்டுள்ளது.
அவசர நடவடிக்கை
இந்த பாதைகள் அரசியல் ரீதியான பாதைகள் அல்ல, ஆனால் ஈரானுக்கு கண்டெய்னர்களை அனுப்ப வேண்டும் என்ற காரணத்திற்காக அவசர நடவடிக்கையாக 6 பாதைகளும் திறக்கப்பட்டு உள்ளது. ஹார்முஸ் நீரிணை மூலம் கடல் வழி போக்குவரத்து தடைப்பட்டதால், ஈரானுக்கு தேவையான பொருட்களை இறக்குமதி செய்ய முடியாத நிலைக்கு தள்ளப்பட்டுள்ளது. இதனால் பாகிஸ்தானை பின் கதவுகளாக பயன்படுத்தி சரக்கு போக்குவரத்தை எளிதாக்கியுள்ளது ஈரான்.
இந்த பாதைகள் வழியாக முதலில் எந்த பொருட்கள் கொண்டு செல்லப்படுகின்றன என்பது முக்கியமானது. உணவு பொருட்கள் மற்றும் அத்தியாவசிய நுகர்வோர் பொருட்கள் முன்னுரிமை பெறும் என்று எதிர்பார்க்கப்படுகிறது. இது ஈரான் மக்களின் அன்றாட வாழ்க்கை எளிதாக்கும்.
இந்த நடவடிக்கை பாகிஸ்தான் தனது நிலைப்பாட்டை உலக நாடுகளுக்கு தெளிவாகக் காட்டுகிறது. ஒருபுறம் ஈரானின் விநியோகப் பாதையைத் திறந்து வைக்கும் அதேவேளையில், தெஹ்ரான் மற்றும் வாஷிங்டன் இடையே மத்தியஸ்த பேச்சுவார்த்தையிலும் ஈடுபட்டுள்ளது. இது வெறும் நடுநிலை அல்ல, மாறாக பாகிஸ்தான் தனது முக்கியத்துவத்தை அதிகரித்துள்ளதை உலக நாடுகளுக்கு காட்டும் ஒரு முக்கியமான நகர்வு என்று வல்லுநர்கள் கருதுகின்றனர்.
ஹார்முஸ் நீரிணை தடைபட்டதன் முதல் உண்மையான பாதிப்பு இப்போது தெரியத் தொடங்கியுள்ளது. கடல் வழி மூடப்படும்போது நிலவழிகள் முக்கியமானதாக மாறுகிறது. இந்த சம்பவம் உலக அரசியல் மற்றும் பொருளாதாரத்தில் நடக்கும் மாற்றங்களை தெளிவாகக் காட்டுகிறது.
Click it and Unblock the Notifications
Sign in with Google