உக்ரைன் விவகாரம்: ஐநா பாதுகாப்பு கவுன்சிலில் ரஷ்யா தீர்மானம் தோல்வி

Updated: Thursday, March 24, 2022, 7:52 [IST]

Subscribe to Oneindia Tamil

ஜெனீவா: உக்ரைன் விவகாரத்தில் மனிதாபிமான வரைவு தீர்மானம் குறித்து ஐநா பாதுகாப்பு கவுன்சிலில் ரஷ்யா கொண்டு வந்த தீர்மானம் தோல்வி அடைந்துள்ளது.

Recommended Video

Ukraine-ஐ NATO சேர்க்காததற்கு இதான் காரணம்.. கொந்தளிக்கும் அதிபர் Zelenskyy

உக்ரைன் மீது ரஷ்யா ஒரு மாதமாக போர் தொடுத்து வருகிறது. இதனால் உலக அளவில் சர்வதேச சந்தையில் பல்வேறு நெருக்கடிகள் ஏற்பட்டுள்ளன. மேலும் இந்த போரை நிறுத்துமாறு ரஷ்யாவுக்கு உலக நாடுகள் அறிவுறுத்தி வருகின்றன.

ஆனாலும் தொடர்ந்து ஆக்ரோஷமாக போரிட்டு வரும் ரஷ்யா மீது கடுமையான பொருளாதார நெருக்கடியை விதித்துள்ளது. இந்த நிலையில் ஐநா பாதுகாப்பு கவுன்சில் கூட்டத்தில் மனிதாபிமான வரைவு தீர்மானத்தை ரஷ்யா கொண்டு வந்தது.

உக்ரைன் மீது ரஷ்யா போர்

இந்த தீர்மானத்தில் உக்ரைன் மீது ரஷ்யா போர் புரிவது குறித்து குறிப்பிடாமல் தீர்மானத்தை கொண்டு வந்தது. இந்த கவுன்சிலில் 15 நாடுகள் உறுப்பினர்கள் உள்ளனர். அதில் ரஷ்யாவின் தீர்மானம் நிறைவேறுவதற்கு குறைந்தபட்சம் 9 நாடுகளின் ஆதரவு வாக்குகள் தேவைப்பட்டது.

தீர்மானம் தோல்வி

ஆனால் 13 உறுப்பினர்கள் வாக்களிக்காமல் இருந்தனர். மனிதாபிமான வரைவு தீர்மானத்தை ஆதரித்து ரஷ்யாவும் அதன் நட்பு நாடான சீனாவும் மட்டுமே ஆதரவு தெரிவித்தது. ரஷ்யா கொண்டு வந்த தீர்மானத்திற்கு போதிய ஆதரவு கிடைக்காததால் உக்ரைன் விவகாரத்தில் ரஷ்யா தீர்மானம் நிராகரிக்கப்பட்டது.

15 நாடுகள்

பாதுகாப்பு கவுன்சிலில் மொத்தம் 15 நாடுகள் உறுப்பினர்களாக உள்ளன. அவை சீனா, பிரான்ஸ், ரஷ்யா, பிரிட்டன், அமெரிக்கா ஆகிய 5 நிரந்தர உறுப்பு நாடுகளும் அலேனியா, பிரேசில், கபான், கானா, இந்தியா, அயர்லாந்து, கென்யா, மெக்சிகோ, நார்வே, ஐக்கிய அரபு அமீரகம் ஆகிய 10 தற்காலிக உறுப்பு நாடுகளும் உள்ளன.

கோரிக்கை

ரஷ்யா தீர்மானத்தின் மீது இந்தியா, ஐக்கிய அரபு அமீரகம் உள்ளிட்ட 13 நாடுகள் வாக்களிக்காமல் புறக்கணித்தன. அதே வேளையில் பெண்கள், குழந்தைகள் உள்ளிட்டோர் உக்ரைனில் பாதுகாக்கப்பட வேண்டும். அங்குள்ள மக்கள் பாதுகாப்பாக எந்த தடையுமின்றி வெளியேற்றப்பட வேண்டும். போரை நிறுத்துவது குறித்து பேச்சுவார்த்தை நடத்த வேண்டும் என கோரிக்கைகளை மற்ற நாடுகள் முன் வைத்தன. கடந்த பிப்ரவரி 28 ஆம் தேதி ரஷ்யாவுக்கு எதிராக ஐநா பாதுகாப்பு கவுன்சில், ஐநா பொதுச் சபையில் அமெரிக்கா உள்ளிட்ட நாடுகள் தீர்மானம் கொண்டு வந்தன என்பது குறிப்பிடத்தக்கது.