சமந்தாவின் அந்த "வாய்" தான் எல்லாத்துக்கும் காரணம்.. ஒரே நாளில் உலக ஃபேமஸ் ஆனார்..!

தன் வாயாலேயே ஒரு பெண் கின்னஸ் சாதனை படைத்துள்ளார்

Updated: Wednesday, August 4, 2021, 18:57 [IST]

Subscribe to Oneindia Tamil

நியூயார்க்: தன்னுடைய வாயை வைத்து அமெரிக்க பெண் ஒருவர் கின்னஸ் சாதனை படைத்துள்ளார்.. அவருக்கு சோஷியல் மீடியாவில் வாழ்த்துக்கள் குவிந்து வருகிறது.

அமெரிக்காவின் கனெக்டிகட் மாகாணத்தை சேர்ந்தவர் சமந்தா ரெம்ஸ்டேல்... 31 வயதாகிறது.. இவர் டிக்டாக்கில் ஃபேமஸ் ஆனவர்.. விதவிதமான வீடியோக்களை பதிவிட்டு வருபவர்.. அதனால் இவருக்கு ஏராளமான ரசிகர்கள் உண்டு.

ஆனால், இதில் விசேஷம் என்னவென்றால், இவரது எல்லா டிக்டாக் வீடியோக்களும் சாப்பிடுவது தொடர்பானது தான்.. ஒரே நேரத்தில் பெரிய சைஸ் சாப்பாட்டு உருண்டையை வாயில் வைத்து சாப்பிடுவார்..

ரசிகர்கள்

எவ்வளவு பெரிய சாப்பாடு ஐட்டமாக இருந்தாலும் சரி, ஆப்பிள், சாண்ட்விச் இப்படி எதுவாக இருந்தாலும் ஒரே வாயில் லபக்கென விழுங்கி அதை சாப்பிட்டு விடுவார்.. இதனால் அவருக்கு நிறைய ரசிகர்கள் சேர்ந்தனர். 1.7 மில்லியனுக்கும் அதிகமானோர் இவரை ஃபாலோ செய்து வருகிறார்கள். இவரால் மட்டும் எப்படி பெரிய சைஸ் உணவை சாப்பிட முடிகிறது என்று பலரும் ஆச்சரியப்படுவார்கள்..

சமந்தா

அதற்கு காரணம், சமந்தாவின் வாய் இயற்கையிலேயே பெரிய சைஸ் ஆகும்.. சாதாரண மனிதர்களின் வாயை விட இவருக்கு கொஞ்சம் பெரியதாக இருக்கும்... இப்போது சமந்தா கின்னஸ் ரிக்கார்டிலும் இடம்பெற்று விட்டார். இவரது வாயில் உள்ள இடைவெளியின் அகலம் 6.56 செ.மீ, அதாவது 2.56 இன்ச் கொள்ளளவாக இருக்கிறது.. மொத்த வாயின் சைஸ் 10 செ .மீ.க்கும் அதிகமாக உள்ளது...

கின்னஸ்

உலகின் மிகப்பெரிய வாய் கொண்ட பெண் என்ற கின்னஸ் சாதனையை சமந்தா படைத்துள்ளார்... இதற்கான சர்ட்டிபிகேட்டையும் சமந்தா கின்னஸ் நிறுவனத்திடம் இருந்து பெற்றுள்ளார். தன்னுடைய வாயால், சாதனை படைத்துள்ளதால், சமந்தா படுகுஷியில் காணப்படுகிறார்.

பிரபலம்

இதுகுறித்து சமந்தா சொல்லும்போது, "என் வாயால் பிரபலமாக முடியும் என்று நான் எப்போதுமே நினைத்ததில்லை.. ஆனால் அது நடந்துள்ளது.. இதை என்னால் நம்பமுடியவில்லை.. ஆனால் மகிழ்ச்சியாக இருக்கிறது.. பெரிய உடல் பாகம் இருந்தால் மனம் தளர வேண்டாம்.. அதை தனித்துவமான திறமையாக கையாளுங்கள்... ஆனால், சில குழந்தைகளுக்கு பெரிய சைஸ் வாய் என்று கிண்டல் கேலி செய்வது வருந்தத்தக்க ஒன்று" என்றார்.. சமந்தாவுக்கு வாழ்த்துக்களும், பாராட்டுகளும் குவிந்து வருகிறது.