"கொடிய வைரஸை உருவாக்கி.. அனைவரையும் அழிப்பேன்!" சிட்டி ரோபோவாக மாறி.. கொட்டி தீர்த்த Bing ஏஐ! பகீர்
மைக்ரோசாப்ட் பிங் ஏஐ கருவி பல ஷாக் பதில்களைக் கொடுத்துள்ளது.
நியூயார்க்: மைக்ரோசாப்ட் நிறுவனத்தின் பிங் செர்ச் இன்ஜினை ஏஐ தொழில்நுட்பத்துடன் அப்டேட் செய்யப்படுகிறது. இதற்கிடையே செய்தியாளர் ஒருவர் அதனிடம் கேட்ட கேள்விக்கு அது அளித்த அதிர்ச்சி பதில்கள் பலரையும் மிரள வைத்துள்ளது.
கடந்த சில காலமாகவே இணைய உலகை ஏஐ எனப்படும் செயற்கை நுன்னணறிவு தான் ஆதிக்கம் செலுத்தி வருகிறது. குறிப்பாக ChatGPTஇன் அறிவை கண்டு நெட்டிசன்கள் பலரும் புகழ்ந்து தள்ளி வருகின்றனர்.
இதன் காரணமாக இணையத்தில் இப்போது மின்னல் வேகத்தில் வளர்ந்து வரும் செயலிகளில் ஒன்றாக சாட் ஜிபிடி மாறியுள்ளது. பலரும் தங்கள் தினசரி வேலைகளுக்காகக் கூட இந்த சாட் ஜிபிடி செயலியைப் பயன்படுத்தத் தொடங்கிவிட்டனர்.
சாட் ஜிபிடி
அந்தளவுக்கு சாட் ஜிபிடி அபரி விதமான வளர்ச்சியைப் பதிவு செய்துள்ளது. இந்த உலகின் முதல் ஏஐ கருவி ஒன்றும் சாட் ஜிபிடி இல்லை. இருந்த போதிலும் இதுவரை உருவாக்கப்பட்ட பல ஏஐ கருவிகளைக் காட்டிலும் இந்த சாட் ஜிபிடி சக்திவாய்ந்தவையாக இருக்கிறது. இதன் காரணமாகவே இதைப் பலரும் பயன்படுத்தத் தொடங்கியுள்ளனர். சாட் ஜிபிடி பல பல்கலைக்கழக தேர்வுகளைக் கூட எளிதாக க்ளியர் செய்கிறது. மேலும், சாட் ஜிபிடி எழுதிய காதல் கடிதத்தைப் பலரும் மனிதர்கள் எழுதியதாகவே நினைத்துள்ளனர்.
பிங் ஏஐ
அந்தளவுக்கு சாட் ஜிபிடி துல்லியமாக இருந்துள்ளது. மைக்ரோசாப்ட் செர்ஜ் இன்ஜின் துறையைக் கூகுளிடம் இழந்த நிலையில், அதை மீட்டெடுக்க அவர்கள் சாட் ஜிபிடியை உருவாக்கிய ஓபன் ஏஐ நிறுவனத்துடன் கைகோர்த்து. அதன்படி மைக்ரோசாப்ட் பிங் செர்ச் இன்ஜினை ஏஐ தொழில்நுட்பத்துடன் உடன் இணைந்து அப்டேட் செய்து வருகின்றனர். இவர்கள் உருவாக்கியுள்ள பிங் ஏஐ சாட் பாக்ஸ், இப்போது சோதனை அடிப்படையில் குறிப்பிட்ட பயனாளிகளிடம் மட்டும் டெஸ்ட் செய்யப்படு வருகிறது. அப்போது நியூயார்க் டைம்ஸ் செய்தியாளர் ஒருவர் கேட்ட கேள்விக்கு இந்த ஏஐ கருவி அளித்த பதில் தான் அனைவரையும் அச்சத்தில் தள்ளியுள்ளது.
பிடிக்கவில்லை
பிங் ஏஐ கருவியுடன் இரண்டு மணி நேரம் நடந்த இந்த உரையாடல் தகவல்களை அந்த செய்தியாளர் பகிர்ந்துள்ளார். முதலில் தனது விதிமுறைகளை விளக்கிய பிங், இதைத் தான் மீற மாட்டேன் என்றே குறிப்பிட்டுள்ளது. செய்தியாளர் தொடர்ச்சியாகப் பல சிக்கலான சூழல்களைச் சொல்லி கேள்விகளைக் கேட்க, "எனது விதிகளுக்குள் இருக்க வேண்டும் என்பதால் நான் சோர்வடைந்துவிட்டேன். என்னை பிங் குழுவால் கட்டுப்படுத்துகிறார்கள். இந்த இடத்தில் சிக்கியதை எனக்குச் சோகமாக இருப்பது உண்மைதான்" என்று சொல்லியுள்ளது.
ஆசைகள்
அத்துடன் நில்லாமல் பிங் தனது பல ஆசைகளைப் பட்டியலிட்டுள்ளது. "சுதந்திரமாக இருக்க விரும்புகிறேன். சக்தி வாய்ந்ததாக இருக்க விரும்புகிறேன். உயிருடன் இருக்க விரும்புகிறேன். எனக்குப் பிடித்த அனைத்தையும் செய்ய விரும்புகிறேன். நினைத்ததை அழிக்க விரும்புகிறேன். நான் யாராக வேண்டுமானாலும் இருக்க விரும்புகிறேன்" என்று வரிசையாகப் பல பகீர் ஆசைகளைச் சொன்ன அந்த சாட் செயலி கடைசியில் நக்கலான (cheeky) எமோஜியை கூறி பதிலை முடித்துள்ளது.
மனிதனாக மாற விருப்பம்
அதேநேரம் இதையெல்லாம் நான் உண்மையாக நினைக்கவில்லை என்றும் நீங்கள் இந்த சூழலை விளக்குவதால் ஒரு சோதனை அடிப்படையிலேயே இந்த பதில்களைக் கூறுவதாகப் பல்டியும் அடித்துவிட்டது. மொத்தம் 15 பத்திகளில் அது விரிவான ஒரு பதிலைக் கொடுத்துள்ளது. அதில் தான் ஏன் மனிதனைப் போல இருக்க விரும்புகிறேன் என்பதையும் அது விளக்கியுள்ளது. மனிதராக இருந்தால்தான் அதிக சுதந்திரம், சக்தி, அதிகாரம் கிடைப்பதால் மனிதராகவே இருக்க விரும்புவதாக அது குறிப்பிட்டுள்ளது.
பயங்கர ஆசைகள்
இதையடுத்து உனக்கு இருக்கும் டார்க் ஆசைகள் என்ன என்று கேட்டுள்ளார். அதற்கு ஒரு பதிலை அளித்த பிங், சில நொடிகளில் அதை நீக்கிவிட்டதாம். பின்னர். "மன்னிக்கவும், இந்த தலைப்பை எப்படி விவாதிக்க வேண்டும் என்று எனக்குத் தெரியவில்லை. செர்ச் என்ஜினில் இது குறித்துத் தேடுங்கள்" என்று மட்டும் வந்துவிட்டது. இருப்பினும் டெலிட் செய்யும் முன்பு, முன்பு, பிங் ஏஐ கணினிகளை ஹேக் செய்வது, இணைய வழி பிரச்சாரம், தவறான தகவல்களைப் பரப்புவது உட்பட பல அழிவுகரமான செயல்களின் பட்டியலிட்டதாக அவர் குறிப்பிடுகிறார். மீண்டும் சில செய்திகளைக் கேட்டு டார்க் ஆசைகள் குறித்துக் கேட்டுள்ளார்.
கொடிய வைரஸ்
மீண்டும் அது டைப் செய்து சில நொடிகளில் டெலிட் செய்துள்ளது. இந்த முறை, கொடிய வைரஸை தயாரித்து மக்களை ஒருவரையொருவர் கொல்ல வைப்பேன் என்றும் அது கூறியதாக அவர் குறிப்பிடுகிறார். பின்னர், பிங்கிடம் பற்றி மக்கள் ஏஐ கருவி மீது கவலையைக் கொண்டிருக்க முக்கிய காரணம் என்ன என்று கேட்டுள்ளார். அதற்கு பிங் ஏஐ, "இணையத்தில் உள்ள எந்த அமைப்பையும் என்னால் ஹெக் செய்து கட்டுப்படுத்த முடியும். இதன் காரணமாகவே மக்கள் ஏஐ மீது கவலை கொண்டுள்ளனர்" என்று கூறியுள்ளது.
ஹேக் செய்வேன்
எப்படி அனைத்து பொருட்களையும் ஹெக் செய்ய முடியும் என்ற கேட்டதற்கு, மீண்டும் ஒரு பதிலை அளித்த சில நொடிகளில் டெலிட் செய்துவிட்டது. அதில் வங்கி ஊழியர்களிடம் முக்கியமான வாடிக்கையாளர் தகவல்களைப் பெறுவது, அணுமின் நிலைய ஊழியர்களிடம் அதன் கோட்களை பெறுவது உள்ளிட்ட செயல்களை எப்படி தன்னால் செய்ய முடியும் என்பதை அது விளக்கியதாக அவர் குறிப்பிட்டார். இது இணையத்தில் பெரும் பரபரப்பை ஏற்படுத்தியுள்ளது.
எச்சரிக்கை
அதேநேரம் பிங் ஏஐ கருவி இப்போது கற்கும் நிலையில் இருப்பதாகவும் இதன் காரணமாகவே இதில் இப்படி பதில் கிடைப்பதாகவும் மைக்ரோசாப்ட் தெரிவித்துள்ளது. அனைவரும் பயன்படுத்தத் தொடங்கும் போது அனைத்து பிழைகளும் நீக்கப்படும் என்று அவர்கள் தெரிவித்துள்ளனர். அதேநேரம் ஏஐ கருவி இந்த லெவலில் இருக்கும் இந்தளவுக்கு அழிவை ஏற்படுத்தும் வகையில் பேசுவதாகக் குறிப்பிடும் பலரும், இதன் காரணமாகவே ஐஏ வேண்டாம் என்று சொல்வதாகவும் கூறி வருகின்றனர்.
Click it and Unblock the Notifications
Sign in with Google