நீலகிரியில் அதிகாலையில் அரிதான சம்பவம்.. மசினகுடி – தெப்பகாடு ரோட்டில் யானை இருந்த கோலம்

Updated: Tuesday, September 2, 2025, 18:48 [IST]

Subscribe to Oneindia Tamil

ஊட்டி: நீலகிரி மாவட்டத்தில் சுற்றுலா, வனவிலங்கு காட்சிகளுக்குப் பெயர் பெற்ற மசினகுடி - தெப்பகாடு சாலையில், நடு இரவில் அரிதாகவே நிகழும் சம்பவம் ஒன்று நடந்தது. சுமார் 40 வயது மதிக்கத்தக்க யானை ஒன்று சாலையின் நடுவே விழுந்து உயிரிழந்துள்ளது. வனத்துறை மற்றும் காவல்துறை அதிகாரிகள் சம்பவ இடத்துக்கு விரைந்து சென்றனர். இந்த சம்பவம் காரணமாக பல மணிநேரம் போக்குவரத்து முடங்கியது.

நீலகிரி மாவட்டத்தில் மசினகுடி - தெப்பகாடு சாலையில் அதிகாலை நேரத்தில் மசினகுடியிலிருந்து தெப்பகாடு நோக்கிச் செல்லும் சாலையில் சாலையை கடக்கும் போது பெரிய யானை ஒன்று தடுமாறி விழுந்தது. சில நிமிடங்களில் அதற்கு உயிரிழப்பு ஏற்பட்டு உள்ளது.

அப்பகுதி வழியாக இரவு 10 மணிக்கு மேல் வாகன போக்குவரத்து தடைஉள்ளதால் இந்த சம்பவம் அதிகாலை நேரத்தில் வனத்துறையின் கவனத்திற்கு வந்தது. அதிகாலை நேரத்தில் சென்ற வாகன ஓட்டிகள் முதலில் அதிர்ச்சியடைந்தனர். யானை வேறு காரணத்தால் உயிரிழந்ததா என்ற சந்தேகம் எழுந்தது. உடனடியாக தகவல் அளிக்கப்பட்டதைத் தொடர்ந்து வனத்துறை மற்றும் காவல்துறை அதிகாரிகள் சம்பவ இடத்துக்கு விரைந்து சென்றனர்.

யானையின் உடலை பரிசோதித்த வனத்துறை மருத்துவர்கள், "வயது முதிர்வு காரணமாக இயல்பான மரணம் ஏற்பட்டிருக்கலாம்" என தெரிவித்தனர். எனினும் முழுமையான காரணம் தெரிய பிணவாய்வு நடத்தப்படும் என்றும் அறிவித்தனர்.

போக்குவரத்து முடக்கம் - சுற்றுலா பயணிகள் அவதி

யானை சாலையின் நடுவே சாய்ந்து கிடந்ததால், சுமார் 4 மணி நேரத்திற்கு வாகன போக்குவரத்து முற்றிலும் பாதிக்கப்பட்டது. மசினகுடி, தெப்பகாடு பகுதிகளை இணைக்கும் இந்த சாலையில், ஒரே பாதையில் இரு திசை வாகனங்களும் அடர்த்தியாக நிற்கும் நிலை ஏற்பட்டது.

• சுமார் 300க்கும் மேற்பட்ட சுற்றுலா வாகனங்கள், பேருந்துகள், சரக்கு வாகனங்கள், இருசக்கர வாகனங்கள் அனைத்தும் நீண்ட வரிசையில் சிக்கிக் கொண்டன. வனத்துறை மற்றும் காவல்துறை இணைந்து யானையை சாலையிலிருந்து அப்புறப்படுத்தும் பணிகளை மேற்கொண்டனர். யானையின் உடல் வனப்பகுதிக்கு கொண்ட செல்லப்பட்டு அங்கு புதைக்கும் ஏற்பாடுகள் நடைபெற்றன.