சிறுமிகளுக்கு பாலியல் தொல்லை! ஜோதிடருக்கு 200 ஆண்டு சிறை! சிவகங்கை கோர்ட் அதிரடி தீர்ப்பு!

சிவகங்கை: சிவகங்கை அருகே பரிகார பூஜை செய்வதாக சிறுமிகளுக்கு பாலியல் வன்கொடுமை செய்த ஜோதிடருக்கு 200 ஆண்டுகள் சிறை தண்டனை விதித்து போக்சோ நீதிமன்றம் தீர்ப்பளித்துள்ளது.

கடந்த 2021-ஆம் ஆண்டு நடந்தது. சிவகங்கை அருகே உள்ள ஊரை சேர்ந்த ஜோதிடர் ராமகிருஷ்ணன், தன்னை "ஜோதிடம், பரிகாரம் செய்து தோஷங்கள் நீக்குபவர்" என்று கூறி பல குடும்பங்களை ஏமாற்றி வந்துள்ளார். அவர் ஒரு குடும்பத்தை அணுகி, அந்த வீட்டு சகோதரிகளான சிறுமிகளுக்கு "கிரக தோஷம் உள்ளது, பரிகாரம் செய்யாவிட்டால் குடும்பத்துக்கு பெரிய ஆபத்து" என்று பயமுறுத்தியுள்ளார்.

Photo Credit:

AI Image (left side only)

பின்னர் அவர் சிறுமிகளை தனியாக அழைத்துச் சென்று, "பரிகாரம் செய்ய வேண்டும்" என்ற பெயரில் பாலியல் வன்கொடுமை செய்துள்ளார். இது தொடர்ந்து பல முறை நடந்ததாகவும், சிறுமிகளை மிரட்டி வாய் மூட வைத்ததாகவும் குற்றச்சாட்டு எழுந்தது. பின்னர் சிறுமிகளின் குடும்பத்தினர் சந்தேகம் கொண்டு விசாரித்தபோது உண்மை தெரிய வந்தது. உடனடியாக சிவகங்கை அனைத்து பெண்கள் காவல் நிலையத்தில் புகார் அளிக்கப்பட்டது.

இது தொடர்பான வழக்கு வழக்கு சிவகங்கை சிறப்பு போக்சோ நீதிமன்றத்தில் நடைபெற்றது. இந்த வழக்கின் தீர்ப்பு இன்று வழங்கப்பட்டது. அதில் போக்சோ சட்டத்தின் பல்வேறு பிரிவுகள் (பிரிவு 4, 6, 8 போன்றவை - குழந்தைகளுக்கு எதிரான கடுமையான பாலியல் குற்றங்கள்)
இந்திய தண்டனைச் சட்டத்தின் பிரிவு 376 (பாலியல் வன்கொடுமை), 506 (மிரட்டல்), 328 (மயக்க மருந்து / ஏமாற்று) உள்ளிட்ட பிரிவுகளில் குற்றம் நிரூபிக்கப்பட்டது.

நீதிபதி அனைத்து ஆதாரங்களையும் (சாட்சிகள், மருத்துவ அறிக்கை, சிறுமிகளின் வாக்குமூலம்) ஆய்வு செய்த பிறகு, ராமகிருஷ்ணன் குற்றவாளி என தீர்ப்பளித்தார். தண்டனை விதிக்கும் போது பல குற்றங்களுக்காக தனித்தனியாக ஆண்டுகள் விதிக்கப்பட்டு, மொத்தம் 200 ஆண்டுகள் சிறை தண்டனை அளிக்கப்பட்டது. மேலும் 2 லட்சம் அபராதமும் விதிக்கப்பட்டது. சிறுமிகளுக்கு தலா ரூ 10 லட்சம் இழப்பீடு வழங்க அரசுக்கு உத்தரவிடப்பட்டுள்ளது.