நல்ல உடல்நிலையில் கருணாநிதி.. இன்னும் 2 நாட்களில் வீடு திரும்புவார்.. துரைமுருகன் நம்பிக்கை

திமுக தலைவர் கருணாநிதி இன்னும் இரண்டு அல்லது மூன்று நாட்களில் வீடு திரும்புவார் என்று திமுக மூத்த தலைவர் துரைமுருகன் தெரிவித்துள்ளார்.

சென்னை: திமுக தலைவர் கருணாநிதி இன்னும் இரண்டு அல்லது மூன்று நாட்களில் வீடு திரும்புவார் என்று திமுக மூத்த தலைவர் துரைமுருகன் தெரிவித்துள்ளார்.

திமுக தலைவர் கருணாநிதி காவேரி மருத்துவமனையில் தொடர்ந்து சிகிச்சை பெற்றுவருகிறார். தற்போது நல்ல உடல்நிலையில் இருக்கிறார். முன்பு இருந்ததை விட அவரது உடல்நிலை மிகவும் நல்ல நிலையை அடைந்துள்ளது.

அவருக்கு 9வது நாளாக தொடர் சிகிச்சை அளிக்கப்பட்டு வருகிறது. கருணாநிதி தற்போது முழு சுயநினைவுடன் இருக்கிறார். அதேபோல் அவரது ரத்த அழுத்தமும், சிறுநீராக நோய் தொற்றும் குணமாகி உள்ளது. இந்த நிலையில் அவரது உடல்நிலை பற்றி திமுக மூத்த தலைவர் துரைமுருகன் பேட்டியளித்தார்.

அதில், திமுக தலைவர் கருணாநிதி உடல்நிலை தேறி வருகிறது. சென்ற வாரம் இருந்ததை விட அவரது உடல்நிலை நன்றாக உள்ளது. அவருக்கு நாங்கள் பேசுவது கேட்கிறது.

அவர் சுயநினைவுடன் இருக்கிறார். இரண்டு முறை எழுந்து உட்கார்ந்தார். அவர் இரண்டு அல்லது மூன்று நாட்களில் வீடு திரும்புவார், என்று துரைமுருகன் கூறியுள்ளார். அவரது இந்த பேட்டி திமுக தொண்டர்களிடையே மகிழ்ச்சியை ஏற்படுத்தியுள்ளது.

English summary

DMK leader Karunanidhi gets discharged from Kauvery Hospital in 2-3 days says Durai Murugan.