• search

காவிரி மேலாண்மை அமைக்க வலியுறுத்தல்... சென்னையில் மறியலில் ஈடுபட்ட விவசாயிகள் கைது!

By Gajalakshmi
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    சென்னை : காவிரி மேலாண்மை வாரியம் அமைக்க மத்திய அரசு உடனடியாக நடவடிக்கை எடுக்க வலியுறுத்தி சென்னையில் விவசாயிகள் போராட்டத்தில் ஈடுபட்டனர். ஆளுநர் மாளிகையை முற்றுகையிட சென்றவர்கள் தடுத்து நிறுத்தப்பட்டதால் சாலையில் அமர்ந்து மறியலில் ஈடுபட்டனர்.

    உச்சநீதிமன்ற தீர்ப்புபடி காவிரி மேலாண்மை வாரியத்தை மத்திய அரசு அமைக்க வலியுறுத்தி ஆளுநர் மாளிகையை நோக்கி விவசாயிகள் பேரணியாக சென்றனர். தமிழகத்தின் உரிமையை பெற்றுத்தர ஆளுநர் மத்திய அரசுக்கு அழுத்தம் கொடுக்க வேண்டும் என்று வலியுறுத்தி ஆளுநர் மாளிகையை முற்றுகையிட விவசாயிகள் முயன்றனர்.

    Farmers demanding Cauvery management board road rogo at Chennai Saidapet

    விவசாயிகளுக்கு காவல்துறையினர் அனுமதி மறுத்ததால் சென்னை சைதாப்பேட்டையில் உள்ள பனகல் மாளிகை அருகே விவசாயிகள் சாலை மறியலில் ஈடுபட்டனர். நியாயமான கோரிக்கைக்காக போராடும் தங்களை போலீசார் தடுத்து நிறுத்துவது கண்டனத்திற்குரியது என்று போராட்டத்தில் ஈடுபட்ட விவசாயிகள் சங்கத் தலைவர் பி.ஆர்.பாண்டியன் குற்றம்சாட்டினார்.

    தொடர்ந்து விவசாயிகள் சாலையில் அமர்ந்து போராடியதால் காவல்துறையினர் அவர்களுடன் பேச்சுவார்த்தை நடத்தி வருகின்றனர். விவசாயிகளை கைது செய்யும் பொருட்டு ஏராளமான போலீசார் அந்தப் பகுதியில் குவிக்கப்பட்டுள்ளதால் பரபரப்பு நிலவுகிறது. விவசாயிகளின் திடீர் மறியலால் போக்குவரத்து பாதிக்கப்பட்டுள்ளது.

    எனினும் விவசாயிகள் கலைந்து செல்லாததால் பி.ஆர். பாண்டியன் உள்ளிட்ட போராட்டத்தில் ஈடுபட்ட விவசாயிகள் கைது செய்யப்பட்டனர். மார்ச் 9ம் தேதி நடைபெறும் 4 மாநில அரசுகளின் கூட்டம் சட்டத்திற்கு எதிரானது என்று பி.ஆர். பாண்டியன் குற்றம்சாட்டியுள்ளார், இனியும் பேச்சுவார்த்தைகள் எல்லாம் நடத்தாமல் உச்சநீதிமன்ற தீர்ப்பை அமல்படுத்த வேண்டும் என்று அவர் கேட்டுக் கொண்டுள்ளார்.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

    English summary
    Tn farmers demanding implementation of Cauvery management board tried to rally towards Rajbhavan stopped near Saidapet by Police force staged road rogo.

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more