ரத்த அழுத்தம் சீரானது.. சிறுநீரக தொற்று குணமாகவில்லை.. கருணாநிதி இப்போது எப்படி இருக்கிறார்!

திமுக தலைவர் கருணாநிதிக்கு இன்னும் சிறுநீரக தொற்று குணமாகவில்லை என்று தகவல் வெளியாகி இருக்கிறது.

சென்னை: திமுக தலைவர் கருணாநிதிக்கு இன்னும் சிறுநீரக தொற்று குணமாகவில்லை என்று தகவல் வெளியாகி இருக்கிறது.

திமுக தலைவர் கருணாநிதிக்கு உடலில் மூன்று விதமான பிரச்சனைகள் ஏற்பட்டு இருக்கிறது. அவர் காவேரி மருத்துவமனையில் அனுமதிக்கப்பட்டு சிகிச்சை பெற்று வருகிறார். காவேரி மருத்துவமனையில் தீவிர சிகிச்சை அளிக்கப்பட்டு வருகிறது.

அவரது உடல்நிலை நேற்று இரவு மோசமான நிலையை அடைந்தது. ஆனால் அவருக்கு தற்போது உடல்நிலை கொஞ்சம் சரியாக இருப்பதாக தகவல் வெளியாகி உள்ளது. அவரை மருத்துவர்கள் தீவிரமாக கண்காணித்து வருகிறார்கள்.

திமுக தலைவர் கருணாநிதிக்கு தற்போது ரத்த அழுத்தம் சீராக இருக்கிறது. ஆனால் சிறுநீரக நோய் தொற்று இன்னும் குணமாகவில்லை. அதேபோல் அவருக்கு அளிக்கப்பட்ட மருந்துகளால் ஏற்பட்ட காய்ச்சலும் குணமாகவில்லை.

கருணாநிதிக்கு மொத்தம் 8 மருத்துவர்கள் தீவிரமாக சிகிச்சை அளிக்கிறார்கள். அவருக்கு சிகிச்சை அளிக்க பிரபல மருத்துவர் எச்.வி. ஹண்டே காவேரி மருத்துவமனைக்கு வருகை புரிந்துள்ளார்.

English summary

Karunanidhi's health: BP is good, Infection is not under control as per sources.