மோடி பிரதமராக 24%; ஜெ., பிரதமராக 17% பேர் தமிழகத்தில் ஆதரவு- சி.என்.என்- ஐபி.என் சர்வே

சென்னை: நாட்டின் பிரதமராக பாஜகவின் நரேந்திர மோடிக்கு 24% பேரும் தமிழக முதல்வர் ஜெயலலிதாவுக்கு 17% பேரும் ஆதரவு தெரிவித்துள்ளனர் என்கிறது சி.என்.என். ஐபி.என் சர்வே.

லோக்சபா தேர்தலையொட்டி நாடு முழுவதும் விரிவான கருத்து கணிப்புகளை சி.என்.என்.ஐபிஎன்- லோக்நிதி- தி வீக் வெளியிட்டு வருகிறது. தமிழகத்தில் அதிமுக அதிக இடங்களைக் கைப்பற்றும் என்கிறது இக்கருத்து கணிப்பு.

இதேபோல் ராஜிவ் வழக்கில் 7 தமிழர் விடுதலை, தமிழகத்தின் முதன்மை பிரச்சனை எது என்பது தொடர்பாகவும் கருத்து கணிப்பை வெளியிட்டுள்ளது இது.

மோடிக்கு 24%..

நாட்டின் பிரதமராக மோடி வரவேண்டும் என்று தமிழகத்தில் 24% பேர் ஆதரவு தெரிவித்துள்ளனர் என்கிறது கருத்து கணிப்பு.

ஜெக்கு 17%

மோடிக்கு அடுத்ததாக தமிழக முதல்வர் ஜெயலலிதா, பிரதமராக வேண்டும் என்று 17% பேர் கூறியுள்ளனர்.

ராகுலுக்கு 9&

ஆனால் காங்கிரஸ் கட்சியின் ராகுலுக்கு 9%, சோனியாவுக்கு 5% என ஒற்றை இலக்க ஆதரவுதான் கிடைத்திருக்கிறது.

மன்மோகனுக்கு 3%

தற்போதைய பிரதமர் மன்மோகன்சிங்குக்கு 3%, திமுக தலைவர் கருணாநிதி பிரதமராக 3% பேர்தான் ஆதரவு தெரிவித்துள்ளனர்

ஜெ. பிரதமரானால்..

நாட்டின் பிரதமராக ஜெயலலிதா பொறுப்பேற்றால் மிகச் சிறந்த ஆட்சியைத் தருவார் என்று 37% பொதுவாக கருத்து தெரிவித்துள்ளனர். பாஜகவுக்கு வாக்களிப்போரில் 35% பேரும் ஜெவின் நிர்வாகம் சிறப்பாக இருக்கும் எனக் கூறியுள்ளனர். அதிமுகவினரில் 72% ஜெ.வின் ஆட்சி சிறப்பாக இருக்கும் எனக் கூறியுள்ளனர்.

ஜெ. நல்ல பிரதமர் இல்லை..

அதே நேரத்தில் ஜெயலலிதா நல்ல பிரதமராக செயல்படமாட்டார் என 37% பேர் பொதுவாக கருத்து தெரிவித்திருக்கின்றனர். பாஜகவுக்கு வாக்களிப்போரில் 36%பேரும் இக்கருத்தை கூறியுள்ளனர். அதிமுக வாக்காளர்களில் 14% பேரும் இக்கருத்தை ஆமோதித்துள்ளனர்.

நம்பிக்கை அதிகம்..

தமிழகத்தில் கடந்த மாதம் மேற்கொள்ளப்பட்ட சர்வேயை விட இப்போது ஜெயலலிதா பிரதமராக வாய்ப்பு அதிகம் என்பதற்கு கூடுதல் ஆதரவு கிடைத்திருக்கிறதாம். கடந்த மாதம் 24% ஆக இருந்த இந்த எதிர்பார்ப்பு தற்போது 33% ஆக அதிகரித்துள்ளதாம். அதேபோல் அவர் பிரதமராக வாய்ப்பு இல்லை என்று கடந்த மாதம் 48% பேர் கூறியிருந்த நிலையில் இது தற்போது 37% ஆக குறைந்தும் போயுள்ளது.

English summary

BJP's PM nominee Narendra Modi is leading the PM race in Tamil Nadu followed by chief minister J Jayalalithaa. 24 per cent respondents prefer Modi, 17 per cent prefer Jayalalithaa and 9 per cent prefer Rahul Gandhi for the post of PM. Most people are of the opinion that Jayalalithaa will make a good PM, if she becomes one, including many BJP alliance voters.