ஏ வந்தனமய்யா வந்தனம்.. ஒபாமா செம குத்து.. அமெரிக்காவைக் கலக்கும் தமிழர்கள் #obama
சென்னை: அமெரிக்க அதிபர் பராக் ஒபாமாக ஆடும் டான்ஸ் காட்சியை எடுத்து தமிழ் பாடல் ஒன்றுடன் கோர்த்து அமெரிக்காவில் வசிக்கும் ஒபாமா ஆதரவு தமிழர்கள் போட்டுள்ள வீடியோ செம ஹிட்டாகியுள்ளது. வைரலாக பரவி வருகிறது.
அமெரிக்கத் தமிழர்கள் தங்களது சமூக வலைதளப் பக்கங்களில் இதைப் பகிர்ந்து மகிழ்ந்து கொண்டுள்ளனர். அமெரிக்காவில் இப்போது ஜனாதிபதி தேர்தல் காலம். ஜனநாயகக் கட்சி வேட்பாளர் ஹிலரி கிளிண்டனும், குடியரசுக் கட்சி சார்பில் டொனால்ட் டிரம்ப்பும் களத்தில் உள்ளனர். ஆரம்பத்தில் இருவருக்கும் இடையே கடும் போட்டி காணப்பட்டது.
ஆனால் டிரம்பப்பின் காம லீலா வினோதங்கள் அடுத்தடுத்து வெளியாகி அங்கு பெரும் பரபரப்பைக் கிளப்பியுள்ள நிலையில் அமெரிக்கப் பெண்கள் மத்தியில் டிரம்ப்புக்கு பெரும் எதிர்ப்பு எழுந்துள்ளது. இதனால் டிரம்ப் தோல்வி அடைவது கிட்டத்தட்ட உறுதி என்று பேச்சு கிளம்பி விட்டது.
இந்த நிலையில்தான் அதிபர் ஒபாமா ஒரு தமிழ்ப் பாடலுக்கு குத்தாட்டம் போடுவது போன்ற வீடியோ வெளியாகி வைரல் ஆகியுள்ளது. ஏ வந்தனமய்யா வந்தனம் வந்த சனமெல்லாம் குந்தணும் என்ற அந்த சூப்பர் ஹிட் பாடலுக்கு ஒபாமா அனாயசமாக குத்தாட்டம் போடுவது போல உள்ளது அந்த வீடியோக் காட்சி. இரண்டுக்கும் சம்பந்தம் இல்லைதான். ஆனால் இது செம ஹிட்டாகி விட்டது.
அமெரிக்கா வாழ் ஒபாமா ஆதரவு தமிழர்கள் இதை செய்துள்ளதாக கூறப்படுகிறது. வேகமாக இது பகிரப்பட்டும் வருகிறது.
Click it and Unblock the Notifications
Sign in with Google