முந்தைய பிறந்த நாட்கள் மக்களை மறந்த நாட்கள்.. கமலை சீண்டும் தமிழிசை

முந்தைய பிறந்த நாள்கள் மக்களை மறந்த நாள்கள் என்று தெரிவித்த பாஜக மாநில தலைவர் தமிழிசை சௌந்தரராஜன், பெயரே குறிப்பிடாமல் பிறந்த நாள் வாழ்த்துகளை கூறியுள்ளார்.

சென்னை: முந்தைய பிறந்த நாள்கள் எல்லாம் மக்களை மறந்த நாள்களாகவே கொண்டாடப்பட்டன என்று பாஜக மாநில தலைவர் தமிழிசை சௌந்தரராஜன் தெரிவித்தார். இது முழுக்க முழுக்க கமலுக்கு கூறியுள்ளதாகவே பார்க்கப்படுகிறது.

நடிகர் கமலின் 63-ஆவது பிறந்த நாள் விழா இன்று கொண்டாடப்பட்டது. இன்றைய தினம் சென்னை தி.நகரில் மக்கள் பிரச்சினைகளுக்கான செயலியை அவர் அறிமுகப்படுத்தினார்.

ஆவடியில் மருத்துவ முகாமை தொடக்கிவைத்து கனவுகளிலிருந்துதான் கண்டுபிடிப்புகள் உருவாகின என்று தமிழிசைக்கு பதிலடி கொடுத்துள்ளார்.

இந்நிலையில் கமல் எதை கூறினாலும் அதற்கு பதிலடி கொடுத்து வரும் தமிழிசை பிறந்த நாளான இன்றும் அவருக்கு வாழ்த்து கூறுகிறேன் என்ற பெயரில் விமர்சித்துள்ளார்.

இதுகுறித்து டுவிட்டரில் தமிழிசை தன் பதிவில், இன்று மக்களுக்காக பிறந்தநாள் கொண்டாடுகிறவர்களின் முந்தைய பிறந்த நாட்கள் எல்லாம் மக்களை மறந்த நாட்களாகவே கொண்டாடப்பட்டன, என் இனிய பிறந்தநாள் வாழ்த்துகள்! என்று பதிவிட்டுள்ளார்.

இனிய பிறந்தநாள் வாழ்த்துக்கள்!!! pic.twitter.com/BncDJ8GB3X

— Tamilisai Soundrajan (@drtamilisaibjp) November 7, 2017

இதில் கமலின் பெயரை நேரடியாக குறிப்பிடவில்லை. அவரது டுவிட்டர் ஐடியையும் போடாமல் பொத்தாம் பொதுவாக வாழ்த்துகளை கூறியுள்ளார்.

English summary

BJP State President Tamilisai extends her birthday wishes for Kamal hassan and she also says that last birthday functions are not for public interests.