குழப்பத்தை ஏற்படுத்துபவர் குஷ்பு.. என் நீக்கத்திற்கும் அவரே காரணம் - விஜயதாரணி
சென்னை: குடும்பத்தில் குழப்பத்தை ஏற்படுத்துபவர் நடிகை குஷ்பு. ஏற்கனவே திமுகவில் இருந்தபோது அப்படித்தான் செய்தார். இப்போது காங்கிரஸுக்கு வந்த பிறகு என்னை நீக்கியுள்ளனர். எனது நீக்கத்திற்கு அவர் காரணமாக இருக்கலாம் என்று கூறியுள்ளார் விஜயதாரணி.
கன்னியாகுமரி மாவட்டம் விளவங்கோடு சட்டசபைத் தொகுதி காங்கிரஸ் உறுப்பினர் விஜயதாரணி. சட்டசபை காங்கிரஸ் கொறடாவாகவும் உள்ளார். மாநில மகளிர் காங்கிரஸ் தலைவராக நியமிக்கப்பட்டு செயல்பட்டு வந்த அவர் அதே வேகத்தில் தற்போது பதவியை விட்டு நீக்கப்பட்டுள்ளார்.
இதனால் கொந்தளிப்புடன் காணப்படுகிறார் விஜயதாரணி. முதல்வர் ஜெயலலிதாவை சட்டசபையில் வைத்துச் சந்தித்த அவர் தற்போது முதல்வரின் அழைப்புக்காக காத்திருக்கிறார்.
இந்த நிலையில் அவர் அளித்துள்ள ஒரு பேட்டியில், என்னுடைய பதவி நீக்கத்திற்கு குஷ்புவும் காரணமாக இருக்கலாம். குஷ்பு ஏற்கனவே திமுகவில் இருந்து வந்தவர். அங்கு குடும்பத்தில் பிரச்சினையை ஏற்படுத்தி விட்டு இங்கு வந்துள்ளார். இங்கும் குஷ்பு பிரச்சினையை ஏற்படுத்தி வருகிறார் என்று கூறியுள்ளார் விஜயதாரணி.
விஜயதாரணியின் இந்தக் குற்றச்சாட்டு பரபரப்பை ஏற்படுத்தியுள்ளது.
Click it and Unblock the Notifications
Sign in with Google