பாதாள சாக்கடைக்காக தோண்டப்பட்ட குழி.. ஸ்கூட்டியோடு உள்ளே விழுந்த வாகன ஓட்டி!
திருச்சி: பாதாள சாக்கடை திட்டத்திற்காக தோண்டப்பட்ட குழிக்குள் ஸ்கூட்டியுடன் வாகன ஓட்டி உள்ளே விழுந்த சம்பவம் திருச்சியில் பரபரப்பை ஏற்படுத்தி உள்ளது.
சென்னையில் பல சமயங்களில் பாதாள சாக்கடை மற்றும் மழைநீர் வடிகாலுக்காக தோண்டப்படும் பள்ளங்களில் வாகன ஓட்டிகள் விழுந்து விடுவது நடக்கும். அவ்வப்போது விபத்து மற்றும் உயிரிழப்புகள் இந்த பாதாள சாக்கடை பணிகளால் தொடங்கின்றன.
சென்னையில் அப்படி இறந்தவர்கள் எண்ணிக்கை மற்றும் விபத்தில் சிக்குவபவர்கள் எண்ணிக்கை கணக்கிடவே முடியாது.அந்த அளவிற்கு விபத்துக்களும் உயிரிழப்புகளும் நடந்துள்ளன.
சென்னையில் மட்டுமல்ல கோவை, திருச்சி, சேலம், மதுரை உள்பட பல்வேறு பகுதிகளில் பாதாள சாக்கடை பணிகளின் விபத்து நடப்பதும் வாடிக்கையாக உள்ளது. பாதாள சாக்கடையில் வாகன ஓட்டிகள் எதிர்பாராதவிதமாக உள்ளே விழுவது போன்ற சம்பவங்கள் நடக்கின்றன.
அப்படித்தான் திருச்சி தென்னூர், அருகே உள்ள வீரமாமுனிவர் தெரு முனையில் சாலை மற்றும் பாதாள சாக்கடை பணிக்காக பள்ளம் தோண்டப்பட்டிருந்தது. அந்த பள்ளத்தில் வாகன ஓட்டி ஒருவர் தடுமாறி விழுந்து விட்டார். உடனடியாக அக்கம் பக்கத்தினர் அவரையும், வாகனத்தையும் மீட்டனர்.
தென்னூரில் உள்ள இந்த ஆபத்தான சாலையில் தினமும் வாகன ஓட்டிகள் விழுவது வாடிக்கையாகி வருவதாகவும், உடனடியாக இந்த பள்ளத்தை சீர் செய்ய வேண்டும் என்றும் திருச்சி மாநகராட்சிக்கு பொதுமக்களும், வாகன ஓட்டிகளும் கோரிக்கை வைத்துள்ளனர்.
திருச்சியில் இப்படி என்றால். சென்னை மடிப்பாக்கமும் கிட்டத்தட்ட இதே நிலையில் தான் இருக்கிறது. பாதாள சாக்கடை பணிகள் காரணமாக சாலைகள் மோசமாக உள்ளன. மழைக்காலத்தில் மக்கள் சாலைகளில் செல்வதற்கு அச்சப்படும் நிலை உள்ளது. வடகிழக்கு பருவ மழையின் போது வெள்ள அபாயமும் இருப்பதால் பொதுமக்கள் வேதனை அடைந்துள்ளனர்.
Click it and Unblock the Notifications
Sign in with Google