அமெரிக்கா அதிபர் தேர்தல்: ஜோ பிடன் வெற்றி பெறுவதையே விரும்பும் அரபு அமெரிக்கர்கள்

வாஷிங்டன்: அமெரிக்கா அதிபர் தேர்தலில் ஜனநாயக் கட்சி வேட்பாளர் ஜோ பிடன் வெல்ல வேண்டும் என்று அரபு நாடுகளைச் சேர்ந்த அமெரிக்கர்கள் கருத்து கணிப்பு ஒன்றில் தெரிவித்துள்ளனர்.

Arab American Institute நடத்திய கருத்து கணிப்பு முடிவுகள் வெளியிடப்பட்டுள்ளன. இதில் 59% அரபு அமெரிக்கர்கள் ஜோ பிடனுக்கு வாக்களிக்கப் போவதாக கூறியுள்ளனர். டொனால்ட் டிரம்ப்-க்கு 35% அரபு அமெரிக்கர்கள் வாக்களிக்க உள்ளதாக கூறியிருக்கின்றனர்.

அமெரிக்காவில் அரபு அமெரிக்கர் எதிர்கொண்ட பிரச்சனைகளுக்கு டிரம்ப் நிர்வாகம் உரிய முறையில் தீர்வு காணவில்லை என்பது இவர்களது ஆதங்கம். மேலும் 80% அரபு அமெரிக்கர்கள் வாக்களிக்க உள்ளதாகவும் கூறியிருக்கின்றனர்.

மிக்சிகன், ஓஹியோ உள்ளிட்ட சில மாகாணங்களில் அரபு அமெரிக்கர்கள் தீர்மானிக்கும் சக்தியாகவும் உள்ளனர். 1.7% முதல் 2% வாக்காளர்களாக அரபு அமெரிக்கர்கள் உள்ளனர்.

English summary

According to the survey, 59% of Arab Americans plan to cast vote for Joe Biden.