அமெரிக்கா, பிரிட்டனில் கொரோனா கோரத்தாண்டவம் - அதிகரிக்கும் உயிரிழப்புகள்

அமெரிக்கா, பிரிட்டனில் கொரோனா கோரத்தாண்டவம் ஆடி வருகிறது. கொரோனா பாதிப்பினால் உலகம் முழுவதும் 5,475 பேர் மரணமடைந்துள்ளனர். கொரோனா பாதிப்பால் உலகம் முழுவதும் மொத்தம் 54,08,722 பேர் உயிரிழந்துள்ளனர்

வாஷிங்டன்: அமெரிக்காவில் கொரோனாவால் பாதிக்கப்படுவோர் எண்ணிக்கை 2 லட்சமாக அதிகரித்துள்ளது. பிரிட்டனில் ஒரே நாளில் 1,22,186 கொரோனாவால் பாதிக்கப்பட்டுள்ளனர். அமெரிக்கா, பிரிட்டன் மட்டுமல்லாது பிரான்ஸ்,இத்தாலி, ஜெர்மனி ஆகிய நாடுகளிலும் கொரோனா கோரத்தாண்டவம் ஆடி வருகிறது.

உலகம் முழுவதும் கொரோனா 4வது அலை தீவிரமாக வீசத் தொடங்கியுள்ளது. டெல்டா, டெல்டா பிளஸ், ஓமிக்ரான் என வைரஸ் பல பெயர்களில் மாறி மாறி மக்களைத் தாக்கி வருகிறது. தடுப்பூசி செலுத்தினாலும் உலகம் முழுவதும் கொரோனாவின் வீரியம் அதிகரித்து வருகிறது.

கடந்த 24 மணி நேரத்தில் கொரோனாவால் உலகம் முழுவதும் ஒரே நாளில் 8,03,605 பேர் பாதிக்கப்பட்டுள்ளனர். உலகம் முழுவதும் கொரோனாவால் பாதிக்கப்பட்டோர் மொத்த எண்ணிக்கை 27,93,18,609 பேராக அதிகரித்துள்ளது. கொரோனா பாதிப்பில் இருந்து 24,96,30,150 பேர் குணமடைந்துள்ளனர். கொரோனா பாதிப்பினால் உலகம் முழுவதும் 5,475 பேர் மரணமடைந்துள்ளனர். கொரோனா பாதிப்பால் உலகம் முழுவதும் மொத்தம் 54,08,722 பேர் உயிரிழந்துள்ளனர்

8,37,655 பேர் மரணம்

அமெரிக்காவில் கொரோனாவால் ஒரே நாளில் 1,92,413 பேர் பாதிக்கப்பட்டுள்ளனர். அங்கு கொரோனாவால் பாதிக்கப்பட்டோர் மொத்த எண்ணிக்கை 5,29,80,864 பேராக அதிகரித்துள்ளது. ஒரே நாளில் 731 பேர் உயிரிழந்துள்ளனர். அமெரிக்கா முழுவதும் கொரோனாவால் மொத்தம் 8,37,655 பேர் உயிரிழந்துள்ளனர்.

1,22,186 பேர் ஒரே நாளில் பாதிப்பு

இங்கிலாந்தில் கடந்த ஒரு வாரமாக 50 ஆயிரம் முதல் ஒரு லட்சம் பேருக்கும் அதிகமாக கொரோனா தொற்று உறுதியானது. கடந்த 24 மணி நேரத்தில் இங்கிலாந்தில் 1,22,186 பேர் கொரோனா வைரஸ் தொற்றால் பாதிப்பு அடைந்துள்ளனர். இதன்மூலம் அங்கு கொரோனா தொற்று பாதிக்கப்பட்டோரின் மொத்த எண்ணிக்கை 1,18,91,292 அதிகமாக உயர்ந்துள்ளது.

சிறுவர்களுக்குத் தடுப்பூசி

கொரோனா தொற்று பாதிப்பால் 137 பேர் இறந்துள்ளனர். இதனால் இங்கிலாந்தில் இதுவரை கொரோனா தொற்றால் உயிரிழந்தோர் எண்ணிக்கை 1,47,857 ஆக அதிகரித்துள்ளது. மேலும், கொரோனா வைரஸ் தொற்றில் இருந்து குணமடைந்தோர் எண்ணிக்கை 99,61,369 லட்சத்தை தாண்டியுள்ளது. தற்போது 17,82,066 லட்சத்துக்கும் அதிகமானோர் சிகிச்சை பெற்று வருகின்றனர் என அந்நாட்டு சுகாதாரத் துறை தெரிவித்துள்ளது. அங்கு 5 முதல் 11 வயதிற்கு உட்பட்டோருக்கு கொரோனா தடுப்பூசி செலுத்த இங்கிலாந்து அரசு அனுமதி வழங்கியுள்ளது.

அதிகரிக்கும் மரணங்கள்

ரஷ்யாவில் கடந்த 24 மணி நேரத்தில் 24,703 பேர் கொரோனாவால் பாதிக்கப்பட்டுள்ளனர். ஒரே நாளில் 998 பேர் மரணமடைந்துள்ளனர். பிரான்ஸ் நாட்டில் கொரோனாவால் 94,124 பேர் பாதிக்கப்பட்டுள்ளனர். கொரோனாவால் மொத்தம் 89,83,760 பேர் பாதிக்கப்பட்டுள்ளனர். மொத்தம் 1,22,462 பேர் உயிரிழந்துள்ளனர். இத்தாலி நாட்டில் 50,599 பேர் ஒரே நாளில் கொரோனாவால் பாதிக்கப்பட்டுள்ளனர். மொத்தம் 1,36,386 பேர் நாடு முழுவதும் உயிரிழந்துள்ளனர்.

English summary

The number of corona victims in the United States has risen to 2 million. There are 1,22,186 corona victims in a single day in the UK. Not only in the United States and the United Kingdom, but also in France, Italy and Germany.