Dhanush: தனுஷுடன் நடிகைகள் சேர கூடாது! சில்மிஷம்..! "இட்லி கடை"யில் பார்த்திபன் இப்படியா பேசுவது?

Updated: Tuesday, September 16, 2025, 15:17 [IST]

Subscribe to Oneindia Tamil

சென்னை: "இட்லி கடை" ஆடியோ வெளியீட்டு விழாவில் நடிகர் தனுஷுடன் நடிகைகள் சேரக் கூடாது என நடிகரும் இயக்குநருமான ஆர்.பார்த்திபன் கூறியது பரபரப்பை ஏற்படுத்தியுள்ளது. இந்த படத்தை தனுஷ் இயக்கியுள்ளார்.

இட்லி கடை இசை வெளியீட்டு விழாவில் நடிகர் பார்த்திபனிடம், தொகுப்பாளினி திவ்யதர்ஷினி, தனுஷிடம் சேர்ந்து இருக்கக் கூடிய விஷயம், சேரவே கூடாத விஷயம் குறித்து கேள்வி எழுப்பினார். இதற்கு பார்த்திபன், "தனுஷுடன் சேர்ந்திருப்பது அவரது இரு மகன்கள், சேராமல் இருக்க வேண்டியது ஹீரோயின்கள் தான். எதுக்கு சொல்றேன்னா தனுஷ் பாவம் அப்பாவி, அவருக்கு ஒரு சில்மிஷமும் தெரியாது. ஆனால், தனுஷ் உடன் போட்டோ எடுக்கிறேன்னு ஒரு சில நடிகைகள் அவரிடம் வந்து நிற்க, அது தேவையற்ற கிசுகிசுக்களை உருவாக்கி விடுகிறது. அதனால், நடிகைகள் கிசுகிசுக்காக தனுஷிடம் சேராமல் இருக்க வேண்டும் என்று பார்த்திபன் பேசியதும், தனுஷ் உள்ளிட்ட பலரும் சிரித்து விட்டனர்.

இன்னொரு கேள்விக்கு பதில் அளித்த பார்த்திபன்," தனுஷ் இவ்வளவு வேகமாக இருக்கக் கூடாது. படப்பிடிப்பில் சில இயக்குநர்கள் மனசுக்கு பட்ட சீன்களை எல்லாம் எடுத்து வந்து கடைசியில் எடிட்டரிடம் கொடுத்து அதை நல்ல படமாக மாற்றுவார்கள். ஆனால், தனுஷ் எது தேவையோ அதை மட்டுமே எடுத்து எடிட்டரின் வேலையை குறைத்து விடுவார்.

சில இயக்குநர்கள் ஒரு படம் எடுக்கவே பல ஆண்டுகள் ஆக ஒரு படத்தை இயக்கியும் நடித்தும் இவ்வளவு வேகத்தில் தனுஷ் கொடுத்தால் மற்ற இயக்குநர்களுக்கு தயாரிப்பு தரப்பில் இருந்து திட்டு தான் விழும். தனுஷ் இவ்வளவு வேகமாக இருக்கக் கூடாது என பேசினார்.

கதை மற்றும் இயக்கம்

"இட்லி கடை" திரைப்படத்தை நடிகர் தனுஷ் இயக்கி, தயாரித்து, முக்கிய கதாபாத்திரத்தில் நடித்துள்ளார். இது அவரது நான்காவது இயக்கமாகும்.

இந்தப் படம் தனுஷின் சொந்த வாழ்க்கை அனுபவங்களிலிருந்து எடுக்கப்பட்டதாக கூறப்படுகிறது.

ஒரு கிராமப்புறத்தில் உள்ள கதாபாத்திரங்களையும், சென்னை நகர வாழ்க்கையில் அவர் சந்தித்த கதாபாத்திரங்களையும் இணைத்து ஒரு கற்பனைக் கதையாக உருவாக்கப்பட்டுள்ளது.

படம் ஒரு சாதாரண மனிதனின் வாழ்க்கையில் நடக்கும் எதிர்பாராத திருப்பங்களைச் சுற்றி வருகிறது, மேலும் குடும்ப உறவுகளின் முக்கியத்துவத்தை உணர்வுபூர்வமாகச் சொல்லும் படமாக இது இருக்கும் என எதிர்பார்க்கப்படுகிறது.

இப்படத்தில் தனுஷ் "முருகன்" என்ற கதாபாத்திரத்தில் நடித்துள்ளார். சில தகவல்கள் அவரது கதாபாத்திரத்தின் பெயர் "சிவனேசன்" என்றும் குறிப்பிடுகின்றன, எனவே இதில் ஒரு ட்விஸ்ட் இருக்கலாம் என ரசிகர்கள் மத்தியில் எதிர்பார்ப்பு உள்ளது.

நடிகர்கள் மற்றும் தொழில்நுட்பக் குழு:

இயக்கம்: தனுஷ்

தயாரிப்பு: தனுஷ் (வண்டர்பார் பிலிம்ஸ்) மற்றும் ஆகாஷ் பாஸ்கரன் (டான் பிக்சர்ஸ்)

இசை: ஜி. வி. பிரகாஷ் குமார்

ஒளிப்பதிவு: கிரண் கௌசிக்

படத்தொகுப்பு: பிரசன்னா ஜி. கே.

நடிகர்கள்:

தனுஷ்

நித்யா மேனன்

அருண் விஜய்

சத்யராஜ்

ராஜ்கிரண்