கர்ப்பமாக இருப்பதை அறிவித்த சன் டிவி சீரியல் தம்பதி.. வாழ்த்துக்களை குவிக்கும் பிரபலங்கள்

Published: Thursday, October 10, 2024, 13:39 [IST]

Subscribe to Oneindia Tamil

சென்னை: சன் டிவியில் ஒளிபரப்பாகி வரும் மலர் சீரியலில் நடித்த நடிகை நிவேதிகா அந்த சீரியலில் அவரோடு நடித்து வந்த நடிகர் சுரேந்தரை காதலித்து திருமணம் செய்திருந்த நிலையில் தற்போது இந்த தம்பதி கர்ப்பமாக இருக்கும் செய்தியை ரசிகர்களிடம் பகிர்ந்து இருக்கிறார்கள்.

சின்னத்திரையில் பல நடிகர், நடிகைகள் காதலித்து திருமணம் செய்திருக்கிறார்கள். அந்த வகையில் கடந்த பிப்ரவரி மாதத்தில் நடிகை நிவேதிதா சுரேந்தர் எளிமையாக திருமணம் செய்து கொண்டனர். இதில் நிவேதிதாவிற்கு ஏற்கனவே திருமணமான நிலையில் அந்த திருமணம் விவாகரத்தில் முடிவடைந்ததால் காதலித்து சுரேந்தரை திருமணம் செய்து கொண்டேன் என்று அந்த நேரத்தில் ரசிகர்களிடம் பகிர்ந்து இருந்தார்.

நடிகை நிவேதிதா தமிழில் வாணி ராணி சீரியல் மூலமாகத்தான் அறிமுகமாகி இருந்தார். அதைத் தொடர்ந்து கல்யாணப்பரிசு, திருமகள், சுந்தரி என்று பல சீரியலில் நடித்துக் கொண்டிருக்கும் போது தான் மகராசி சீரியலில் நடித்துக் கொண்டிருந்தார். அப்போது ஆரியன் என்பவரை காதலித்து திருமணம் செய்து கொண்டார். ஆனால் அவர்களுக்குள் ஏற்பட்ட கருத்து வேறுபாடு காரணமாக இருவரும் பிரிந்து இருந்தனர்.

அதற்குப் பிறகு மலர் சீரியலில் நிவேதிதா வில்லியாக நடித்துக் கொண்டிருந்தார். அந்த சீரியலில் நடித்துக் கொண்டிருந்த சுரேந்தரோடு அவர் ரீல்ஸ் வீடியோக்கள் மற்றும் போட்டோ சூட் புகைப்படங்களை வெளியிடுவதை பார்த்ததும் இருவரும் காதலிக்கிறார்களா? ஏற்கனவே நிவேதிதாவிற்கு கல்யாணம் முடிந்து விட்டதே என்று பல்வேறு கேள்விகள் எழும்பி வந்தது.

தன்னைப் பற்றிய விமர்சனங்களுக்கு நிவேதிதா ஒரு பதிவு வெளியிட்டிருந்தார். அதில் எனக்கு விவாகரத்தாகி மூன்று வருடங்கள் ஆகிவிட்டது. இப்போது நான் சுரேந்திரை தான் திருமணம் செய்ய போகிறேன்... எனக்கு புது காதல் கிடைத்திருக்கிறது இனி இந்த ஸ்பெஷலான ஒருவரோடு நான் வாழ போகிறேன். அதனால் ரசிகர்கள் புரிந்து கொண்டு எங்களை வாழ விடுங்கள் என்று கூறியிருந்தார்.

அதற்கு பிறகு இவர்களுடைய திருமணத்தில் சின்னத்திரை பிரபலங்கள் மற்றும் குடும்பத்தினர்கள் மட்டும் கலந்து கொண்டு திருமணம் எளிமையாக நடைபெற்றது. இந்த நிலையில் தற்போது நிவேதிதா கர்ப்பமாக இருப்பதை போட்டோ சூட் புகைப்படங்கள் மூலம் ரசிகர்களிடம் பகிர்ந்து இருக்கிறார்கள். இந்த தம்பதிக்கு ரசிகர்களும் சின்னத்திரை பிரபலங்களும் வாழ்த்துக்கள் கூறி வருகிறார்கள்.

Published On October 10, 2024