40 வருடம் கழித்து நடிகர் மோகன்லால் சந்தித்த நடிகை.. உருக்கமாக வெளியிட்ட பதிவு

Published: Saturday, May 2, 2026, 16:59 [IST]

Subscribe to Oneindia Tamil

சென்னை: நடிகர் மோகன்லால் மற்றும் நடிகை ஆஷா ஜெயராம் 40 ஆண்டுகளுக்கு பிறகு அமெரிக்காவில் சந்தித்திருப்பது தற்போது கவனம் பெற்றுள்ளது. இது குறித்து ஆஷா ஜெயராம் வெளியிட்ட பதிவு இணையத்தில் வைரலாகி பலருடைய வாழ்த்துக்களை பெற்று வருகிறது.

ஒரு படத்தில் தொடங்கிய நட்பு

1986ஆம் ஆண்டு வெளியான ஒன்னு முதல் பூஜ்ஜியம் வரை திரைப்படத்தின் மூலம் ஆஷா ஜெயராம் கதாநாயகியாக அறிமுகமானார். ரகுநாத் பாலேரி இயக்கிய இந்த படம், வித்தியாசமான கதைக்களத்தால் அப்போது பேசப்பட்டது.

இந்த படத்தின் மற்றொரு சிறப்பு

இன்றைக்கு இயக்குநராக பிரபலமான கீத்து மோகன்தாஸ், குழந்தை நட்சத்திரமாக இதே படத்தில் தான் அறிமுகமானார். அதே நேரத்தில், மோகன்லால் இந்த படத்தில் முழு கதாபாத்திரமாக இல்லாமல், பெரும்பாலும் தொலைபேசி குரலாகவே வருவார். கிளைமாக்ஸ் காட்சியில் மட்டும் நேரில் வந்து, ஆஷா ஜெயராமுடன் ஒரு முக்கியமான காட்சியில் நடித்திருந்தார். இந்த படம் அந்த நேரத்தில் அதிகமாக பேசப்பட்டது.

அமெரிக்காவில் வாழ்க்கை

இந்த படத்திற்கு பிறகு, ஆஷா ஜெயராம் சில திரைப்படங்களில் நடித்தாலும், பின்னர் திருமணம் செய்து கொண்டு அமெரிக்காவில் குடியேறினார். அதன் பிறகு சினிமாவிலிருந்து விலகி, குடும்ப வாழ்க்கையில் கவனம் செலுத்தினார். அவரது முதல் படம் மற்றும் அதில் நடித்த அனுபவம், ரசிகர்களிடையே இன்னும் நினைவாக உள்ளது.

40 ஆண்டுகளுக்கு பிறகு சந்திப்பு

தற்போது அமெரிக்காவில் நடந்த ஒரு கலை நிகழ்ச்சியில் கலந்து கொண்ட மோகன்லால், அங்கு ஆஷா ஜெயராமை நேரில் சந்தித்துள்ளார். நீண்ட இடைவெளிக்குப் பிறகு நடந்த இந்த சந்திப்பு, இருவருக்கும் ஒரு நினைவுபூர்வமான தருணமாக அமைந்துள்ளது.

இந்த சந்திப்பை குறித்து ஆஷா ஜெயராம் தனது சமூக வலைதளத்தில் பகிர்ந்துள்ளார். அதில் அவர் கூறியதாவது, "40 வருடங்களுக்கு பிறகு நான் மோகன்லாலை சந்திக்கிறேன்... இது நிஜமா என்று என்னால நம்ப முடியல." என்று குறிப்பிட்டு இருக்கிறார்

தொடர்ந்து உச்சத்தில் மோகன்லால்

மோகன்லால், மலையாள சினிமாவின் முன்னணி நடிகராக திகழ்ந்து வருகிறார். பல்வேறு கதாபாத்திரங்களில் தனித்துவமான நடிப்பால் ரசிகர்களை கவர்ந்தவர். இன்றும் தொடர்ந்து பல முக்கிய படங்களில் நடித்துக் கொண்டு இருக்கிறார்.

நினைவுகளை மீட்ட தருணம்

ஒரு படத்தில் தொடங்கிய சிறிய இணைப்பு, நாற்பது ஆண்டுகளுக்குப் பிறகு மீண்டும் சந்திப்பாக மாறியுள்ளது. 1986ல் தொடங்கிய பயணத்தில் 2026ல் மீண்டும் சந்திப்பு ஏற்பட்டிருக்கிறது. இந்த நிகழ்வு, சினிமா ரசிகர்களுக்கு மட்டுமல்ல காலம் கடந்தாலும் நினைவுகள் எப்படி உயிரோடு இருக்கும் என்பதை நினைவூட்டும் ஒரு அழகான சம்பவமாக மாறியுள்ளது.

Published On May 2, 2026