இந்த நிலைமை யாருக்கும் வரக்கூடாது..இந்த மாதிரி முடியல, மன்னிச்சிடுங்க..கோபி கொடுத்த விளக்கம்

சென்னை: விஜய் டிவியில் ஒளிபரப்பாகி வரும் பாக்கியலட்சுமி சீரியலில் கோபி கேரக்டரில் நடிகர் சதீஷ் நடிக்கிறார்.

சமீபத்தில் தான் இந்த சீரியலில் இருந்து விலக போகிறேன் என்று கூறியிருந்தார்.

இந்த நிலையில் தான் இந்த சீரியலில் நடித்த ஒரு காட்சியை குறித்து உருக்கமாக பதிவு ஒன்றை வெளியிட்டு இருக்கிறார்.

சீரியலாக இருந்தாலும் சரி சினிமாவாக இருந்தாலும் சரி, அதில் நடிக்கும் நடிகர்களின் கேரக்டர் படி அப்படியே இருப்பார்கள் என்று நம்பிக் கொண்டிருக்கும் ரசிகர்கள் எப்போதும் இருக்க தான் செய்கிறார்கள். ஆனால் அது உண்மையை இல்லை என்பது பலருக்கும் தெரிவதில்லை. அந்த மாதிரிதான் தற்போது பாக்கியலட்சுமி சீரியலில் நடிக்கும் கோபியும் நிரூபித்திருக்கிறார்.

பாக்கியலட்சுமி சீரியலில் கோபி கேரக்டரை அதிகமான ரசிகர்கள் திட்டி தீர்த்து வருகின்றனர். இரண்டு மனைவி கட்டிக்கொண்டு இவர் தன்னுடைய குழந்தைகள் சந்தோஷத்தை விட தன்னுடைய சந்தோஷம் முக்கியம் என்று போய்விட்டார் என்று பலர் திட்டுகின்றனர். அது மட்டும் அல்லாமல் பாக்யாவை இவர் அவமானப்படுத்தும் விதத்தையும் பலரும் திட்டி வருகிறார்கள். இந்த நிலையில் தற்போது தான் நடித்த ஒரு எபிசோடு குறித்து உருக்கமாக ஒரு பதிவு ஒன்றை வெளியிட்டு இருக்கிறார்.

அந்த எபிசோட்டில் குடித்துவிட்டு வீட்டிற்கு வந்த கோபி ராதிகாவிடம் நான் துடித்த பிறகு தான் உன்னை பற்றி என்னால் புரிந்து கொள்ள முடிகிறது. நான் இனி கொஞ்சம் கொஞ்சமாக குடியை விட்டு விடுகிறேன் என்று கூறிக்கொண்டு ராதிகாவை சமாதானப்படுத்துவதற்காக பேசியப்படியே அவருடைய தலையில் முத்தம் கொடுத்துக் கொண்டிருப்பார். அப்போது பாக்கியா அந்த இடத்திற்கு வந்து விடுகிறார்.

அதை தன்னுடைய சமூக வலைதள பக்கத்தில் பகிர்ந்து இந்த வேதனை எந்த பெண்ணுக்கும் வரக்கூடாது. எந்த ஆணுக்கும் வரக்கூடாது. கோபிக்கு மன்னிப்பே இல்லை. இருப்பினும் மன்னிக்க முயலுங்க. இந்த காட்சியில் நடிக்கும் போது நடிகர்கள் நாங்களும் மிகவும் வருத்தத்திலும் சோகத்திலும் தான் இருந்தோம். ஆனால் என்ன செய்வது? வேஷம் போட்டாச்சு, மேடை ஏறியாச்சு, காசு வாங்கியாச்சு, ஆட்டம் தொடங்கியாச்சு, நடித்து தானே ஆக வேண்டும். நெருடலான காட்சி மன்னித்து விடுங்கள் என் ரசிகர்கள் நண்பர்களே என்று கூறியிருக்கிறார்.

English summary

Actor Sathish is playing the character of Gopi in baakiyalakshmi serial which is being aired on Vijay TV.Recently he had said that he is going to leave this serial.In this situation, he has released a recording about a scene he acted in this serial.