Bad Girl 1st day Box Office: வெற்றிமாறனின் ‘பேட் கேர்ள்’ - முதல் நாள் வசூல் இவ்வளவு தானாம்! ஆனாலும் நடந்த விஷயம்!

சென்னை: தமிழ் சினிமாவில் மிக முக்கியமான இயக்குநர்களில் ஒருவரான வெற்றிமாறன், 'பொல்லாதவன்', 'ஆடுகளம்', 'அசுரன்' போன்ற பல வெற்றிப் படங்களைக் கொடுத்து, இரண்டு தேசிய விருதுகளை வென்றவர். நகைச்சுவை நடிகராக இருந்த சூரியை 'விடுதலை' திரைப்படம் மூலம் கதாநாயகனாக மாற்றி, அனைவரையும் ஆச்சரியப்படுத்தினார்.

இயக்குநர் மட்டுமல்லாமல், தனது உதவியாளர்களின் திறமையை ஊக்குவிக்க, படங்களையும் தயாரித்து வருகிறார் வெற்றிமாறன். அப்படி அவர் தயாரித்த படங்களில் ஒன்றுதான், அவரது உதவியாளர் வர்ஷா பரத் இயக்கிய 'பேட் கேர்ள்' திரைப்படம். இந்த திரைப்படம் நேற்று ரிலீசானது இந்த திரைப்படத்தின் இந்த வசூல் நிலவரம் இப்போது வெளியாகி இருக்கிறது.

ஆர்ட்டிஸ்ட் முதல் தயாரிப்பாளர் வரை

'கலாச்சாரத்தைக் காப்பாற்றுவது பெண்ணின் வேலை இல்லை, பெண்ணை அடிமைப்படுத்தக் கூடாது, அவள் சுதந்திரமானவள்' என்ற ஒரு தைரியமான கருத்தை அடிப்படையாகக் கொண்டு இந்தப் படம் உருவாகியிருந்தது. இந்தப் படத்தில் நடிகை அஞ்சலி சிவராமன் கதாநாயகியாக நடித்திருந்தார். இந்தப் படம் எடுக்கப்பட்டு, சில மாதங்கள் ஆகியும், தணிக்கை குழுவில் (Censor Board) சிக்கி, வெளியாகாமல் இருந்தது.

படத்தின் பல காட்சிகளையும் மாற்ற வேண்டும் என சென்சார் போர்டு அதிகாரிகள் கூற, இதனால் நீதிமன்றம் சென்று, பல போராட்டங்களுக்குப் பிறகு, நீதிபதியின் அறிவுறுத்தலின்படி சில மாறுதல்களைச் செய்து நேற்று வெளியானது. இதேபோல, வெற்றிமாறன் தயாரித்த 'மனுஷி' என்ற மற்றொரு படமும் சென்சார் சிக்கலில் இருந்து வருகிறது.

வெற்றிமாறன் விரக்தி

தொடர்ந்து படங்களுக்கு சென்சார் பிரச்சனைகள் ஏற்பட்டதால், வெற்றிமாறன் மிகவும் விரக்தி அடைந்துள்ளார். 'பேட் கேர்ள்' படத்தின் செய்தியாளர் சந்திப்பில், "இனிமேல் படங்களைத் தயாரிப்பதில்லை என முடிவு செய்திருக்கிறேன். எனது தயாரிப்பு நிறுவனத்தை மூடுகிறேன்" எனப் பேசினார். வெற்றிமாறனின் இந்த முடிவு, திரையுலகில் பெரும் அதிர்ச்சியை ஏற்படுத்தியது. இந்த படம் நல்ல வசூல் பெற்றால், அவர் தொடர்ந்து படங்களைத் தயாரிப்பார் என்றும் பலர் பேசி வந்தார்கள்.

வசூல் கொடுத்த ஆறுதல்

இந்த நிலையில், படம் வெளியான முதல் நாளில் 'பேட் கேர்ள்' தமிழ்நாட்டில் வெறும் ₹7 லட்சம் மட்டுமே வசூல் செய்திருக்கிறது. இந்த படத்தின் தயாரிப்புச் செலவு குறைந்தபட்சம் ₹10 கோடிகள் இருக்கும் என எதிர்பார்க்கப்படுகிறது. முதல் நாள் வசூலை வைத்துப் பார்க்கும்போது, இந்தப் படம் கண்டிப்பாக வெற்றிப் படமாக அமையாது என்றே கணிக்கப்படுகிறது. ஆனாலும் இன்றும் நாளையும் விடுமுறை நாள் என்பதால் இந்த படத்தின் வசூல் மெல்ல மெல்ல அதிகரிக்கவும் வாய்ப்பிருக்கிறது. இந்த படத்திற்கு ஒரு சில பிரபலங்களும் ஆதரவு தெரிவித்து பாராட்டி வருகிறார்கள்.

மொத்தத்தில், ஒரு இயக்குநராக வெற்றிப் படங்களைக் கொடுத்து வந்த வெற்றிமாறன், ஒரு தயாரிப்பாளராகப் பெரும் சவால்களைச் சந்தித்துள்ளார். சென்சார் போர்டின் கடுமையான விதிமுறைகளும், படத்திற்கு கிடைத்த குறைவான வசூலும், 'இனிமேல் படம் தயாரிக்க மாட்டேன்' என்ற அவரது முடிவை உறுதியாக்கியுள்ளது என்றே கூறலாம்.

English summary

Bad Girl 1st day Box Office: Renowned Tamil filmmaker Vetrimaaran, celebrated for blockbusters like Polladhavan, Aadukalam, and Asuran, has faced a huge challenge as a producer with the release of Bad Girl, directed by his assistant Varsha Bharath. The film, starring Anjali Sivaraman, carries a bold message about women’s freedom but faced multiple censor board hurdles, leading to delays and mandatory edits before its release. On Day 1, the film managed to collect only ₹7 lakhs in Tamil Nadu against an estimated ₹10 crore budget, raising doubts about its box office success. At the press meet, Vetrimaaran expressed his frustration, stating that he plans to shut down his production company and stop producing films altogether. However, with the weekend and holidays ahead, there’s hope that collections might improve slightly. Despite the struggles, several celebrities and critics have praised the film’s bold theme and performances, offering some relief to the team.