Bigg Boss: எனக்கு இன்னைக்கு பீரியட்ஸ்! விஜே பார்வதி சொன்னதும் திவாகர் செய்த செயல்! இவரா இப்படி!
சென்னை: விஜய் டி.வி-யின் பிக் பாஸ் தமிழ் 9 ஆரம்பிச்ச நாள்ல இருந்தே சண்டை, சச்சரவு, கண்ணீர்னு ஒரே அலப்பறைதான்! ஆனா, ஆட்டம் ஆரம்பிச்ச முதல் வாரத்துக்குள்ளேயே இவ்வளவு பஞ்சாயத்து நடக்கிறது, ரசிகர்களுக்கே தலை சுத்தும் அளவுக்கு இருக்கு! இந்த வீட்டின் புத்தம் புதிய டிராமா, 'லக்சுரி ஹவுஸ் சுத்தம்' பஞ்சாயத்துதான்!
திவாகர் & பார்வதிக்கு வேலை
இந்த சீசன் விதிப்படி, பிக் பாஸ் வீட்டின் போட்டியாளர்கள், லக்சுரி ஹவுஸில் இருக்கும் போட்டியாளர்கள் சொல்லும் வேலையைச் செய்யணும். அதுப்படி, லக்சுரி ஹவுஸைச் சுத்தம் செய்ய, VJ பார்வதியும், வாட்டர்மெலன் ஸ்டார் திவாகரும் தேர்ந்தெடுக்கப்பட்டு அனுப்பப்பட்டாங்க.
லக்சுரி ஹவுஸில் இருந்த போட்டியாளர்கள், குறிப்பா ரம்யா ஜோ மற்றும் சுபி, இவங்க ரெண்டு பேரையும் வேலை வாங்குறோம்னு சொல்லி நடத்திய விதம் ரொம்பவே அதிர்ச்சியைக் கொடுத்தது. 'என்னடா இது, கூலி வேலைக்கு ஆள் கூப்பிடுற மாதிரி இருக்கு'ன்னு அந்த வீடியோவைப் பார்த்த ரசிகர்கள் அதிர்ந்து போனாங்க.
பீரியட்ஸ் வலிக்குக் கிடைத்த கண்டெண்ட்
இந்த வேலையை சுத்தம் செஞ்சுக்கிட்டு இருந்தப்போதான், VJ பார்வதியும், வாட்டர்மெலன் ஸ்டார் திவாகரும் பேசிக்கிட்டது, இப்போ இன்டர்நெட்டையே கலக்கிக் கிட்டு இருக்கு!
VJ பார்வதி, "இன்னைக்குனு பாத்து எனக்கு பீரியட்ஸ் அண்ணா. சீக்கிரமே இந்த இடத்தை விட்டு போகனும்."என்று சொல்ல, அதற்கு வாட்டர்மெலன் ஸ்டார் திவாகர், "அய்யய்யோ.. அது இன்னும் வலியாகத்தானே இருக்கும். கிராம்ப்ஸ் எல்லாம் இருக்குமே. பீரியட்ஸோடு நீ ஏன் வேலை செய்யுற. எங்கிட்ட கொடு நான் பார்த்துக்கொள்கிறேன்" என்று அக்கறையுடன் சொன்னார். VJ பார்வதி "பரவாயில்லை அண்ணா. முதலில் இந்த இடத்தை விட்டுப் போனால் போதும்" என்று சொன்னார். இந்த உரையாடலைப் பார்த்த இணையவாசிகள், ஒரு நிமிஷம் உறைந்துபோய், திவாகரைப் பாராட்டித் தள்ளிட்டாங்க!
திவாகருக்கு மாறிய பெயர்
ஆரம்பத்துல இருந்தே, தன் தற்பெருமையாலும், 'வாட்டர்மெலன் ஸ்டார்'ங்கிற அலப்பறையாலயும் ஹவுஸ்மேட்ஸ் கிட்ட வெறுப்பைச் சம்பாதிச்ச திவாகர், இப்போ 'மனிதப் புனிதனா' மாறிவிட்டார்!
ரசிகர்கள் இவரை புகழ்ந்து தள்ளின கமெண்ட்கள் வேற லெவல்: "பெண்ணின் நம்பிக்கையை வெல்வது கடினம். வென்று விட்டாய் மனிதனாக. ஆண்களில் உயர்ந்தவரே" என்று எல்லாம் கமெண்ட் போட்டு திவாகரை ரசிகர்கள் கொண்டாடுறாங்க.
இன்னும் சிலரோ, திவாகரை இந்த சீசனின் 'கண்டெண்ட் கிங்' என்றும், VJ பார்வதியை 'கண்டெண்ட் குயின்' என்றும் பட்டம் சூட்டி, இவங்க ரெண்டு பேரும் சேர்ந்துதான் இந்த டிராமாவை ஓட்டுறாங்கன்னு கிண்டல் அடிக்கிறாங்க!
மொத்தத்துல, "என் வயித்தப் பாத்து பேசாதீங்க!"ன்னு அழுத அதே திவாகர், இப்போ ஒரு பெண்ணின் வலியை உணர்ந்து, வேலை செய்ய வந்த இடத்துல பாசத்தைக் காட்டுறது, ரசிகர்களுக்கு செம ஃபீலிங்கைக் கொடுத்திருக்கு! ஹவுஸ்மேட்ஸ்கிட்ட திவாகர் வாங்கின அத்தனை அடியும், வெளியில அவருக்கு அனுதாப ஓட்டா மாறி, இப்போ 'நல்லவன்' பட்டம் வேற கிடைச்சிருக்கு! இனிமேல் திவாகர் இன்னும் என்னென்ன அலப்பறைகள் பண்ணி, ரசிகர்களின் பாசத்தைக் குவிப்பார்னு தெரியல!
திவாகரின் இந்த அக்கறை, உண்மையானதா? இல்லன்னா, பிக் பாஸ் வீட்டுக்குள் அவர் போட்ட ஒரு 'மாஸ்டர் பிளான்'னு நினைக்கிறீங்களா?
Click it and Unblock the Notifications
Sign in with Google