பிக் பாஸுக்கு போகும் முதல் நாளே நடந்த சோகம்.. வெளியே வந்து இப்படி ஆகும்னு நினைக்கல! ரவீந்தர் வீடியோ
சென்னை: பிக் பாஸ் தமிழ் சீசன் 8 நிகழ்ச்சியில் போட்டியாளராக இருந்த ரவீந்தர் முதல் ஆளாக எலிமினேஷன் ஆகி வெளியே வந்திருக்கிறார். வெளிவந்த பிறகு முதல் முறையாக ஒரு வீடியோ வெளியிட்டு இருக்கிறார். அதில் பிக் பாஸ் நிகழ்ச்சிக்கு போகும் போது தன்னுடைய அப்பா ஐசியுவில் அட்மிட் ஆகி இருந்தார் என்று இப்போது அவருடைய நிலைமை என்ன என்பது பற்றியும் விளக்கம் கொடுத்திருக்கிறார்.
பிக் பாஸ் தமிழ் சீசன் 8 வது நிகழ்ச்சி கடந்த அக்டோபர் ஆறாம் தேதி தொடங்கப்பட்டது. இதில் 18 போட்டியாளர்கள் கலந்து கொண்டனர். அதில் முதல் போட்டியாளராக கலந்து கொண்ட ரவீந்தர் முதல் ஆளாக வெளியேற்றப்பட்டார். முதல் எலிமினேஷன் இவர்தான் என்று சொல்லவேண்டும். நிகழ்ச்சியில் 24 மணி நேரத்துக்குள் சாச்சிகா வெளியேற்றப்பட்டாரே என்று நீங்கள் கேட்கலாம் ஆனால் அது மக்களை ஏமாற்றுவதற்காக நடந்த லுல்லுலாயி வெளியேற்றம் என்று தான் சொல்ல வேண்டும்.
ரவீந்தர் பிக் பாஸ் நிகழ்ச்சியில் ஒரு முக்கியமான போட்டியாளராக இருந்தார். எல்லா சீசன்களையும் அவர் ரிவ்யூ செய்ததால் இந்த நிகழ்ச்சியை பற்றிய நன்கு புரிதலோடு அவர் நிகழ்ச்சியில் கலந்து கொண்டார். அதனாலயே கண்டன்டுக்கு பஞ்சம் இல்லாமல் அவரால் என்ன செய்ய முடியுமோ அதை சிறப்பாக செய்து கொண்டு வந்தார். ஆனால் அவரால் பிசிகல் டாஸ்க் சரியாக விளையாட முடியவில்லை என்பது எல்லோருக்குமே தெரிந்தது.
நடக்கும்போதே மூச்சு வாங்கும் ரவீந்தர் பிசிகல் டாஸ்க் எப்படி செய்வார் என்று ரசிகர்கள் கேள்வி எழுப்பி வந்தனர். ஆனாலும் முதல் முறையாக அந்த வீட்டிற்குள் நடந்த டாஸ்க்கில் ஓடி கால் வலியும் வந்திருந்தது. அப்போது கூட அவர் நான் கிட்டத்தட்ட 15 வருடங்களுக்கு பிறகு இப்போதான் ஓடி இருக்கிறேன். எனக்கு ஓடுவதற்கு தெரியும் என்பதே இப்போதுதான் தெரிகிறது என்று கூட அவர் விளையாட்டாக சொல்லி இருந்தார்.
நிகழ்ச்சியில் சுவாரசியமான நபராக இருந்தாலும் இவருக்காக தான் பிக் பாஸ் வீட்டிற்குள் ரிஸ்க் இல்லாத டாஸ்க் வைக்கப் போகிறார்கள் என்று பலர் கருத்து கூறி வந்த நிலையில் வாக்குகளின் அடிப்படையில் முதல் வாரத்திலேயே ரவீந்தர் வெளியேற்றப்பட்டு விட்டார். நிகழ்ச்சியில் இருந்து வெளியே போகும் போது தன்னுடைய வழக்கமான ரிவ்யூவை
விஜய் சேதுபதி கேட்டுக் கொண்டதற்கு இணங்க போட்டியாளர்களின் முகத்துக்கு நேராக கொஞ்சம் கடுமையாகவே சொல்லி இருந்தார்.
சில போட்டியாளர்களை பற்றி அதிகமாக நெகட்டிவாக பேசி இருந்தார். இன்னும் ஒரு சில போட்டியாளர்களைப் பற்றி அவர்களே நாணும் அளவிற்கு அதிகப்படியாகவும் பேசி இருந்தார். "ஆடிய கால்கள் சும்மா இருக்காது" என்று பழமொழி சொல்வது போல நிகழ்ச்சியை விட்டு வெளியே வந்து ரிவியூவர் ரவீந்தர் நாளையிலிருந்து நான் வழக்கம் போல ரிவ்யூ தொடங்கி விடுவேன் என்று சொல்லி இருக்கிறார்.
அதற்கு முன்னோட்டமாக நேற்று தன்னுடைய இன்ஸ்டாகிராம் பக்கத்தில் லைவில் பேசியிருந்தார். அப்போது நான் பிக் பாஸ் வீட்டிற்குள் சென்ற முதல் நாள் தான் என்னுடைய அப்பாவுக்கு ஆபரேஷன் நடைபெற்றது. என்னுடைய அப்பாவை ஐ சியூவில் சென்று நான் பார்க்காமல் தான் பிக் பாஸ் நிகழ்ச்சிக்கு போனேன். அவருக்கு நான் பிக் பாஸ் நிகழ்ச்சிக்கு போவது ரொம்பவே சந்தோஷம். ஆனால் அவர் ஹாஸ்பிடலில் இருந்து வீடு வந்து சேர்வதற்குள் என்னை பிக் பாஸ் நிகழ்ச்சியில் இருந்து பேக் பண்ணி அனுப்பி விட்டார்கள். இதை நான் எதிர்பார்க்கல
பிக் பாஸ் 8: விளையாட வந்தாங்களான்னு சந்தேகமா இருக்கு? ஒரே சண்டை.. முடிச்சு விட்டுருவோம்.. VJS பஞ்ச்
ஆனாலும் எனக்கு ஆதரவு தந்த அனைத்து ரசிகர்களுக்கும் நன்றி. எனக்காக சிலர் வாக்குவாதத்தில் ஈடுபட்டிருந்தாங்க அவர்களுக்கு என்னுடைய அன்பை நான் செலுத்த விரும்புகிறேன். அதுபோல சில ரிவியூவர்ஸ் நான் மாட்டிக் கொண்டேன் என்று என்னை வச்சு செஞ்சிருக்காங்க. என்னை பற்றியும் நிகழ்ச்சி பற்றியும் பல்வேறு கேள்விகள் மக்கள் மனதில் இருக்கிறது. அதற்கு நான் நாளையில் இருந்து ரிவ்யூ கொடுக்கிறேன் என்று அந்த வீடியோவில் ரவீந்தர் பேசி இருக்கிறார்.
Click it and Unblock the Notifications
Sign in with Google