மெட்டி ஒலி 2 சீரியல் பற்றி மனம் திறந்த எதிர்நீச்சல் இயக்குனர்.. அந்த மூணு மாசம் கூட இப்படித்தானாம்

சென்னை: சன் டிவியில் ஒளிபரப்பாகி வரும் எதிர்நீச்சல் சீரியலை இயக்குனர் திருச்செல்வம் இயக்கி வருகிறார்.

இந்த நிலையில் இவர் சமீபத்தில் பேட்டி ஒன்றில் தான் நடித்த மெட்டி ஒலி சீரியல் குறித்து பேசி இருக்கிறார். விரைவில் மெட்டி ஒலி 2 சீரியல் ஒளிபரப்பாக போகிறது என்ற தகவல்கள் பரவி வரும் நிலையில் அது குறித்தும் இயக்குனர் திருச்செல்வம் பேசி இருக்கிறார். அது பற்றி விரிவாக பார்க்கலாம்.

சின்னத்திரையில் அதிகமான ரசிகர்களால் உச்சரிக்கப்படும் பெயர் என்றால் அது எதிர்நீச்சல் சீரியலாக தான் இருக்கக்கூடும். இந்த சீரியலுக்கு என்று நாளுக்கு நாள் ரசிகர்கள் கூட்டம் அதிகரித்துக் கொண்டே வருகிறது. திரைப்படங்களுக்கு இணையாக இந்த சீரியலில் காட்சி அமைப்புகளும், கதைக்களமும் விறுவிறுப்பாக இருப்பது இந்த சீரியலுக்கு கூடுதல் பிளஸ் பாயிண்டாக இருக்கிறது.

இயக்குனர் திருச்செல்வம் எதிர்நீச்சல் சீரியலை இப்போது இயக்கி கொண்டிருந்தாலும் இவர் ஏற்கனவே கோலங்கள் சீரியல் மூலம் பலருக்கும் பரிச்சயமானவர்தான். இந்த சீரியலை இயக்கியும் நடித்தும் இருந்தார்.. அதோடு பல சீரியல்கள் இயக்கியிருந்தாலும், அந்த சீரியலில் எல்லாம் அந்த அளவிற்கு திருச் செல்வம் பிரபலமாகவில்லை. இந்த நிலையில் அவர் இயக்குனர் திருமுருகன் இயக்கத்தில் வெளியான மெட்டி ஒலி சீரியலில் முக்கியமான கேரக்டரில் நடித்திருந்தார்.

இந்த வழியில் சமீபத்தில் பேட்டியில் திருச்செல்வம் தான் நடித்த மெட்டிஒலி சீரியல் பற்றி பேசி இருக்கிறார். அதாவது, மெட்டி ஒலி 2 சீரியல் விரைவில் வெளியாகும் என்று கூறப்படுகிறது. அது குறித்து உங்களுக்கு தெரியுமா? என்ற கேள்விக்கு நானும் அதை கேள்விப்பட்டேன். ஆனால் என்னிடம் யாரும் அது பற்றி அதிகாரப்பூர்வமாக பேசவில்லை. நான் மெட்டி ஒலி சீரியலில் நடித்தது எதிர்பாராத தருணம் தான்.

மெட்டி ஒலி சீரியலில் கிட்டத்தட்ட மூன்று மாதங்களுக்கு நான் நடித்திருந்தேன். அப்போது நான் அதில் நடிக்கவில்லை என்று சொன்ன போதும் கேட்காமல் திருமுருகன் தான் என்னை நடிக்க வைத்தார். ஆரம்பத்தில் எப்படி இருக்கப் போகிறதோ என்று நினைத்தேன். ஆனால் என்னுடைய கேரக்டரும் அந்த சீரியலுக்கு நல்ல முக்கியத்துவம் கொடுத்து இருந்தது. பிறகு தான் புரிந்தது. ஆனால் இப்போது அந்த சீரியல் இரண்டாம் பாகம் வந்தாலும் எனக்கு சந்தோசம் தான் என் கூறி இருக்கிறார்.

English summary

Director Thiruchelvam is directing the Ethirneechal serial which is being aired on Sun TV.In this situation, he has recently talked about the Meti Oli serial in which he acted in an interview. Director Thiruchelvam has spoken about the news that Metti Oli 2 serial is going to air soon. Let's see about it in detail.