பழைய பாடலுக்கு நந்தினியோடு ஆட்டம் போடும் கதிர்.. ரேணுகா சொன்ன வார்த்தை.. பரபரப்பில் எதிர்நீச்சல்

Updated: Tuesday, April 11, 2023, 18:54 [IST]

Subscribe to Oneindia Tamil

சென்னை: சன் டிவியில் ஒளிபரப்பாகி வரும் எதிர்நீச்சல் சீரியலில் நடிக்கும் ஹரிப்ரியா சூட்டிங் ஸ்பாட்டில் எடுத்த வீடியோ ஒன்றை பகிர்ந்து இருக்கிறார்.

அவருக்கு ஜோடியாக கதிர் கேரக்டரில் நடிக்கும் விபுராமனோடு பழைய பாடலுக்கு டான்ஸ் ஆடி இருக்கிறார்.

சீரியலில் கணவன் மனைவியாக நடித்துக் கொண்டிருக்கும் நிலையில் இவர்கள் இருவருடைய காமினேஷன் டான்ஸ் தற்போது சமூக வலைத்தளத்தில் அதிகமாக பரவி வருகிறது.

Ethirneechal serial Nandini and Kathir have released a video of dancing

சன் டிவியில் அதிகமான ரசிகர்களால் பார்க்கப்படும் சீரியல்களில் எதிர்நீச்சல் சீரியலும் இருந்து வருகிறது. இந்த சீரியலில் நடிக்கும் நடிகர்கள் தற்போது ரசிகர்களின் மத்தியில் நல்ல பிரபலம் அடைந்து வருகிறார்கள். அந்த வரிசையில் ஏற்கனவே சின்ன திரையில் கொடி கட்டி பல வருடங்களாக பறந்து கொண்டிருக்கும் நடிகையாக ஹரிப்பிரியா இந்த சீரியலில் நந்தினி கேரக்டரில் நடித்து வருகிறார்.

நந்தினியின் கணவர் கதிர் கேரக்டரில் நடிகர் விபுரமன் நடித்து வருகிறார். இவர் பல திரைப்படங்களில் நடித்திருந்தாலும் இந்த சீரியலில் கதிர் கேரக்டரில் மல்லுவேட்டி மைனராக ரசிகர்களின் மனதில் இடம் பிடித்திருக்கிறார். அடிக்கடி நந்தினியை திட்டிக் கொண்டிருக்கும் இவர் குடித்துவிட்டு ரகளை செய்யும்போது நந்தினி இடம் அடி வாங்க தவறுவதே இல்லை.

தற்போது எதிர்நீச்சல் சீரியலில் ஆதிரையின் திருமணம் நடக்குமா? நடக்காதா? என்ற பெரும் எதிர்பார்ப்பு இருக்கிறது. இந்த நிலையில் நேற்று எபிசோடில் மண்டபத்திற்கு வந்த கதிரை பார்த்து நந்தினி அதிர்ச்சியாகி இருப்பார். நந்தினியின் அப்பா மற்றும் வீட்டில் இருக்கும் அனைவருடைய முன்னிலையில் சரக்கு பாட்டிலை எடுத்துக்கொண்டு கதிர் ரூமிற்கு சென்றிருக்கிறார். இந்த நிலையில் இன்று என்ன பிரச்சனை செய்யப் போகிறாரோ என்று எதிர்பார்ப்பு இருக்கிறது.

இந்த நிலையில் " பேசுவது கிளியா இல்லை பெண்ணரசி மொழியா" எனும் பழைய பாடலுக்கு நந்தினி மற்றும் கதிர் இருவரும் ஆட்டம் போட்டு இருக்கின்றனர். தற்போது அந்த வீடியோவை நந்தினி வெளியிட அதை ரேணுகாவும் பாராட்ட, தற்போது சமூக வலைத்தளத்தில் இந்த வீடியோ வைரலாகி வருகிறது. திருமணம் நடக்குமா இல்லையா என்று எல்லோரும் எதிர்பார்த்துக் கொண்டிருக்கும் போது மண்டபத்திலேயே இவர்கள் போட்ட ஆட்டத்தை பார்த்து என்ன சொல்வது என்று பலர் கேள்வி கேட்டு வருகிறார்கள்.