Nivetha Pethuraj: நிவேதா பெத்துராஜின் காதலர் இர்ஃபான் யார்? என்ன தொழில் செய்கிறார்? லீக்கான தகவல்

Updated: Thursday, August 28, 2025, 16:12 [IST]

Subscribe to Oneindia Tamil

சென்னை: துபாய் வாழ் தமிழராக, தமிழ் மற்றும் தெலுங்கு சினிமாவில் நுழைந்த நடிகை நிவேதா பெத்துராஜ், தனது காதல் வாழ்க்கையைப் பொதுவெளியில் அறிவித்து ரசிகர்களுக்கு இன்ப அதிர்ச்சி கொடுத்துள்ளார். தனது 35-வது வயதில், துபாய் தொழில் அதிபர் ரஜித் இப்ரானை காதலிப்பதாக அவர் வெளியிட்ட செய்தி, சமூக வலைத்தளங்களில் வைரலாகப் பரவி வருகிறது. இந்தச் செய்தி, நிவேதாவின் திரைப்பயணம், சர்ச்சைகள், மற்றும் அவரது கமுக்கமான காதல் வாழ்க்கை எனப் பல சுவாரசியமான விஷயங்களை மீண்டும் பேச வைத்துள்ளது.

மிஸ் இந்தியா முதல் வெள்ளித்திரை வரை

நிவேதா பெத்துராஜ், மிஸ் இந்தியா உலக அழகிப் போட்டியில் பங்கேற்றவர். பின்னர், 2016-ல் வெளியான 'ஒரு நாள் கூத்து' திரைப்படம் மூலம் தமிழ் சினிமாவில் அறிமுகமானார். இவரது எதார்த்தமான நடிப்பு, ரசிகர்களிடையே நல்ல வரவேற்பைப் பெற்றது. பின்னர், 'போக்கிரி ராஜா', 'டிக் டிக் டிக்', 'திமிரு புடிச்சவன்', 'பொன் மாணிக்கவேல்' போன்ற தமிழ் படங்களில் நடித்தார். தெலுங்கில், 'அலா வைகுந்தபுரமுலோ', 'சித்ரலஹரி' போன்ற வெற்றிப் படங்களில் நடித்ததன் மூலம், இரு மொழி ரசிகர்களையும் கவர்ந்தார்.

சர்ச்சைகளும், ரசிகர்களின் ஆதரவும்

நிவேதா பெத்துராஜ், சில நேரங்களில் சர்ச்சைகளிலும் சிக்கியுள்ளார். குறிப்பாக, சினிமா துறையில் ஒரு முன்னணி நடிகையின் மகளுக்குப் படம் கொடுக்கப்பட்டதாகவும், திறமையானவர்களுக்கு வாய்ப்பு மறுக்கப்படுவதாகவும் வெளிப்படையாகப் பேசியது பரபரப்பை ஏற்படுத்தியது. தனது திரைப்படங்கள் தாமதமாக வெளியாவதற்குக் காரணம் என்னவென்று தெரியவில்லை என்றும், இந்த நிலையில், தனது அடுத்த பட வாய்ப்புக்காகக் காத்திருப்பதாகவும் ஒரு பேட்டியில் வருத்தத்துடன் தெரிவித்திருந்தார். இருப்பினும், அவரது நேர்மையான பேச்சுக்கு ரசிகர்கள் மத்தியில் ஆதரவு கிடைத்தது.

ஒரு கார் ரேஸராக நிவேதா

நிவேதா, நடிப்பு மட்டுமின்றி, கார் ரேஸிலும் ஆர்வம் கொண்டவர். கார் ரேஸ் பயிற்சியில் ஈடுபட்டிருக்கும்போது எடுத்த புகைப்படங்களையும், வீடியோக்களையும் அவர் சமூக வலைத்தளங்களில் பகிர்ந்துள்ளார். அவரது இந்த ஆர்வம், ரசிகர்களால் பெரிதும் பாராட்டப்பட்டது.

15 வருட காதல்

மதுரைக்காரப் பெண்ணாக இருந்தாலும் துபாயில் வளர்ந்த நிவேதா பெத்துராஜ், கடந்த 9 ஆண்டுகளாக படங்களில் நடித்து வருகிறார். 35 வயதாகும் அவருக்கு எப்போது திருமணம் என்று ரசிகர்கள் கேட்டு வந்த நிலையில், "எனக்கு ஆள் இருக்கிறது!" என்று கூறி தனது காதலர் ரஜித் இப்ரான் உடனான புகைப்படத்தை வெளியிட்டு ரசிகர்களுக்கு இன்ப அதிர்ச்சி கொடுத்துள்ளார்.

யார் இந்த ரஜித் இப்ரான்

ரஜித் இப்ரான் ஒரு துபாய் தொழில் அதிபர் மற்றும் மாடலிங் துறையைச் சேர்ந்தவர் என்றும் கூறப்படுகிறது. அவரது இன்ஸ்டாகிராம் பயோவில், "இந்த உலகம் அடுத்த வினாடிக்குள் ஒளித்து வைத்திருக்கும் ஆச்சரியங்கள் ஏராளம்" என்று தமிழில் எழுதியிருப்பது, இவர் ஒரு தமிழர் தானோ என்ற கேள்வியை ரசிகர்களிடையே எழுப்பியுள்ளது. மேலும், நிவேதாவுக்கு கார் ரேஸ் மீது ஆர்வம் அதிகம் என்பது போலவே, ரஜித்துக்கும் விலை உயர்ந்த கார்கள் மீது ஆர்வம் இருப்பது இன்ஸ்டாகிராம் புகைப்படங்கள் மூலம் தெரிகிறது.

கீர்த்தி சுரேஷ் பாணியில் நிவேதா

கீர்த்தி சுரேஷ் தனது காதலர் ஆண்டனி தட்டில்-ஐ பல வருடங்களாக ரகசியமாக வைத்திருந்து, பின்னர் திடீரென அறிவித்ததைப்போலவே, நிவேதாவும் செய்துள்ளார். கீர்த்தி சுரேஷின் காதலர் இன்ஸ்டாகிராம் கணக்கு தனிப்பட்டதாக (private) இருந்த நிலையில், நிவேதாவின் காதலர் ரஜித்தின் இன்ஸ்டாகிராம் கணக்கு பொதுவானதாக (public) இருப்பது, ரசிகர்களுக்கு அவரைப் பற்றி மேலும் தெரிந்துகொள்ள ஒரு வாய்ப்பாக அமைந்துள்ளது.

ரசிகர்களின் மகிழ்ச்சி

நிவேதாவின் ரசிகர்கள், "ஏம்மா நிவேதா, இத்தனை ஆண்டுகளாகக் காதலித்தும் எங்கிட்ட ஒரு வார்த்தைகூட சொல்லாம ரகசியமா வச்சிருந்தீங்களே! எது எப்படியோ, உங்களுக்கு மனசுக்கு பிடித்த வாழ்க்கை அமைஞ்சா அதுவே போதும். நீங்களும், இப்ரான் பாயும் என்றும் ஒற்றுமையாகவும், சந்தோஷமாகவும் இருக்க வேண்டும்" என்று நெகிழ்ச்சியுடன் கருத்து தெரிவித்து வருகின்றனர்.

இந்த ஆண்டே நிவேதா பெத்துராஜ் மற்றும் ரஜித் இப்ரானின் திருமணம் நடைபெறும் என்று கூறப்படுகிறது. அவர்களின் காதல் வாழ்க்கை சினிமா உலகிலும், ரசிகர்கள் மத்தியிலும் பெரும் மகிழ்ச்சியையும் எதிர்பார்ப்பையும் ஏற்படுத்தியுள்ளது.