Rekha Daughter: நடிகை ரேகா மகளுக்கு கல்யாணம்.. கோலாகலமாக நடந்த பங்க்ஷன்.. குவியும் வாழ்த்து

Updated: Tuesday, March 10, 2026, 17:18 [IST]

Subscribe to Oneindia Tamil

சென்னை: ஒரு காலத்தில் தமிழ் சினிமாவில் முன்னணி நடிகையாக ரசிகர்களின் மனதில் இடம் பிடித்தவர் ரேகா. தற்போது அம்மா மற்றும் முக்கியமான கதாபாத்திரங்களில் தொடர்ந்து நடித்து வருகிறார். இப்போது அவரது குடும்பத்தில் நடந்த ஒரு மகிழ்ச்சியான நிகழ்வு மீண்டும் ரசிகர்களின் கவனத்தை ஈர்த்துள்ளது. அவரது மகள் அனுஷாவின் திருமணம் விரைவில் நடைபெற இருக்கிறது, அதற்கு முன் நடந்த மெஹந்தி விழாவின் புகைப்படங்கள் சமூக வலைதளங்களில் பரவி வருவதாகவும் கூறப்படுகிறது.

ரசிகர்களை கவர்ந்த ரேகா

தமிழ் சினிமாவில் ரேகாவை முதன்முதலில் அறிமுகப்படுத்தியது இயக்குநர் பாரதிராஜா இயக்கிய "கடலோரக் கவிதைகள்" திரைப்படம் தான். அந்த படத்தில் ஜெனிபர் என்ற கதாபாத்திரத்தில் நடித்த ரேகா, முதல் படத்திலேயே தனது இயல்பான நடிப்பால் ரசிகர்களின் கவனத்தை ஈர்த்தார். அந்த கதாபாத்திரம் இன்றும் ரசிகர்களுக்கு நினைவில் இருக்கும் வகையில் இருந்தது.

அந்த படத்தின் வெற்றிக்குப் பிறகு ரேகாவுக்கு தொடர்ந்து பல பட வாய்ப்புகள் கிடைத்தன. "புன்னகை மன்னன்", "என் பொம்மக்குட்டி அம்மாவுக்கு", "பாட்டுக்கு நான் அடிமை", "ராசாவே உன்னை நம்பி", "செண்பகமே செண்பகமே" போன்ற பல படங்களில் நடித்தார். அந்த காலத்தில் நடிகர்கள் கமல்ஹாசன், விஜயகாந்த், சத்யராஜ், பிரபு, ராமராஜன் போன்ற முன்னணி நடிகர்களுடன் இணைந்து நடித்ததால் அவர் ரசிகர்களிடம் மேலும் பிரபலமானார்.

குடும்ப வாழ்க்கைக்கு முக்கியத்துவம்

சினிமாவில் நல்ல நிலையில் இருந்தபோதே ரேகா 1996ஆம் ஆண்டு ஜார்ஜ் ஹாரிஸ் என்பவரை திருமணம் செய்து கொண்டார். அதன் பிறகு சில ஆண்டுகள் சினிமாவில் இருந்து விலகி குடும்ப வாழ்க்கையில் கவனம் செலுத்தினார். இந்த தம்பதிக்கு அனுஷா என்ற மகள் உள்ளார்.

மீண்டும் திரையுலகுக்கு வந்த ரேகா

சில ஆண்டுகள் கழித்து ரேகா மீண்டும் திரையுலகுக்கு திரும்பினார். நடிகர்கள் ஸ்ரீகாந்த் மற்றும் பூமிகா நடித்த "ரோஜா கூட்டம்" திரைப்படத்தில் பூமிகாவின் அம்மாவாக நடித்தது அவரது திரும்பி வருகையாக அமைந்தது. அதன் பிறகு பல படங்களில் அம்மா மற்றும் முக்கியமான கதாபாத்திரங்களில் தொடர்ந்து நடித்து வருகிறார்.

திரைப்படங்களுடன் தொலைக்காட்சி நிகழ்ச்சிகளிலும் அவர் கலந்து கொண்டார். "குக் வித் கோமாளி" நிகழ்ச்சியில் கலந்து கொண்டு சமைத்து பாராட்டைப் பெற்றார். பின்னர் "பிக் பாஸ் தமிழ் - 4ஆம் சீசன்" நிகழ்ச்சியிலும் கலந்து கொண்டு இன்றைய தலைமுறை பார்வையாளர்களிடமும் கவனம் பெற்றார்.

மகளின் திருமணம்

இந்த நிலையில் நடிகை ரேகாவின் மகள் அனுஷாவின் திருமணம் விரைவில் நடைபெற இருக்கிறது. திருமணத்திற்கு முன் நடந்த மெஹந்தி விழாவின் சில புகைப்படங்களை ரேகா தனது சமூக வலைதளத்தில் பகிர்ந்துள்ளார். அந்த புகைப்படங்களில் குடும்பத்தினருடன் மகிழ்ச்சியாக இருக்கும் தருணங்கள் இடம்பெற்றுள்ளன.

ஆனால் இந்த திருமணம் எப்போது நடந்தது, மணமகன் யார், அவர் என்ன வேலை செய்கிறார் போன்ற விபரங்களை ரேகா வெளியிடவில்லை. பெரிய அறிவிப்பு எதுவும் இல்லாமல், குடும்பத்தினருடன் அமைதியாக இந்த திருமணத்தை நடத்தி முடித்துள்ளார்.

ரசிகர்கள் வாழ்த்து

மெஹந்தி விழா புகைப்படங்கள் வெளியானதும் பலரும் ரேகாவின் பழைய படங்களை நினைவு கூர்ந்து கருத்துகளை பகிர்ந்து வருகின்றனர். "கடலோரக் கவிதைகள் படத்தில் பார்த்த அந்த நடிகை இன்று மகளின் திருமணத்தை கொண்டாடும் அளவுக்கு காலம் சென்றுவிட்டதே" என்று ரசிகர்கள் மகிழ்ச்சியுடன் எழுதுகின்றனர்.

இவ்வாறு நடிகை ரேகாவின் குடும்பத்தில் நடந்த இந்த மகிழ்ச்சியான நிகழ்வுக்கு ரசிகர்கள் பலரும் மனமார்ந்த வாழ்த்துகளை தெரிவித்து வருகின்றனர்.