வதந்திகளுக்கு முற்றுப்புள்ளி வைத்து ரோபோ சங்கர் வெளியிட்ட வீடியோ... மாஸ் காட்டி இப்படி ஒரு பதிலா?

Updated: Saturday, April 15, 2023, 16:19 [IST]

Subscribe to Oneindia Tamil

சென்னை: உடல் எடை குறைத்து இருந்த ரோபோ சங்கர் தற்போது விஜய் டிவியில் ஸ்டார் மியூசிக் சூட்டிங்கில் கலந்து கொண்டு இருக்கிறார்.

சூட்டிங் ஸ்பாட்டில் கெத்தாக தனுஷ் பாடலுக்கு ரீல்ஸ் வீடியோ செய்து ரோபோ சங்கர் வெளியிட்டு இருக்கிறார்.

வந்துட்டேன்னு சொல்லு... அதே எனர்ஜியோட வந்துட்டேன்னு சொல்லு என ரோபோ சங்கரின் பஞ்ச் வசனத்தை கேட்டு சமூக வலைத்தளத்தில் கமெண்டுகளில் ஆரவாரம் இடுகின்றனர்.

தற்போதைய சூழ்நிலையில் இந்த உலகம் நல்லா இருந்தாலும் பேசும் கஷ்டப்பட்டாலும் பேசும் என்பது ரோபோ சங்கர் உடைய வாழ்க்கையில் நல்லாவே தெரிகிறது. என்னதான் காமெடி செய்து பலரையும் சிரிக்க வைத்துக் கொண்டிருந்தாலும் ரோபோ சங்கருக்கு சில மாதங்களாக அடுத்தடுத்து பிரச்சனைகள் வந்து கொண்டே இருக்கிறது.

பிரச்சனைகள் இல்லாத மனிதர்கள் இந்த உலகத்தில் இல்லை என்பது அனைவருக்கும் தெரிந்திருந்தால் அடுத்தடுத்து சமூக வலைத்தளத்தில் ரோபோ சங்கர் பெயர் அடிபட்டுக் கொண்டே இருக்கிறது. ஆரம்பத்தில் விஜய் டிவியில் கலக்கப்போவது யாரு நிகழ்ச்சியில் கலந்து கொண்டு தன்னுடைய தனித்துவமான திறமையால் பலருடைய மனதைக் கவர்ந்த ரோபோ சங்கர் தற்போது திரைப்படங்களிலும் கலக்கிக் கொண்டிருக்கிறார்.

Robo Shankar returning to Vijay TV show after weight losing Video

ரோபோ சங்கர் மட்டுமல்லாமல் அவருடைய மகள் மற்றும் மனைவி எல்லாருமே திரைத் துறையில் பிரபலங்களாக இருந்து வருகின்றனர். இந்த நிலையில் சமீபத்தில் ரோபோ சங்கர் உடல் எடை குறைந்த புகைப்படத்தை பார்த்து ரசிகர்கள் அதிர்ச்சி ஆகி இருந்தனர். இதுவரைக்கும் கொஞ்சம் பூசின மாதிரி இருந்த ரோபோ சங்கர் திடீரென உடல் எடை குறைந்தது ரசிகர்களுக்கு அதிர்ச்சியை கொடுத்தது.

அதனாலேயே ரோபோ சங்கருக்கு அப்படியா அல்லது இப்படியா என்று விதவிதமான கருத்துகளும் குவிந்து வந்தது. ரோபோ சங்கருக்கு குடித்து உடல்நல குறைவு ஏற்பட்டு இருக்கிறது அதனால் தான் அவர் மெலிந்து போய்விட்டார் என்று சிலர் பக்கத்தில் இருந்து பார்த்தது போல கமெண்ட்களை கொட்ட, இன்னும் ஒரு சிலர் இல்லை இல்லை அவருக்கு மஞ்சள் காமாலை வந்து விட்டது அதனால் தான் இவர் இப்படி இருக்கிறார் என்று கருத்து கூறி வந்தனர்.

இந்த நிலையில் தொடர்ந்து வெளியாகி வந்த வதந்திகளுக்கு முற்றுப்புள்ளி வைக்கும் விதமாக ரோபோ சங்கருடைய மனைவி பிரியங்காவும் என்னுடைய கணவருக்கு ஒன்றும் உடல்நலத்திற்கு ஆகவில்லை. அவர் திரைப்பட வாய்ப்புக்காக உடல் எடையை குறைத்திருக்கிறார் என்று விளக்கம் கொடுத்திருந்தார். அதுபோல ரோபோ சங்கர் உடைய நண்பரான போஸ் வெங்கட் எல்லோருக்கும் உடல் நலப் பிரச்சினைகள் வரதான் செய்யும். அதேபோல லேசாக ரோபோ சங்கருக்கும் ஏற்பட்டது. விரைவில் ரோபோ சங்கர் பழைய நிலைக்கு வந்து விடுவார் என்று கூறியிருந்தார்.

இந்த நிலையில் இன்று ரோபோ சங்கருடைய மகளான இந்திரஜா சங்கர். தன்னுடைய சமூக வலைதள பக்கத்தில் தன்னுடைய அப்பாவின் கெத்தான வீடியோக்களை பதிவிட்டு இருக்கிறார். அதில் ரோபோ சங்கர் மீண்டும் விஜய் டிவியில் ஸ்டார் மியூசிக் நிகழ்ச்சிக்கான சூட்டிங்கில் கலந்துகொண்டு எடுத்த வீடியோஸ் மற்றும் புகைப்படங்களை வெளியிட்டு அவர் திரும்பி வந்து விட்டார் என்று பதிவு வெளியிட்டிருக்க அதை அதிகமான ரசிகர்கள் பாராட்டி லைக் கொடுத்து வருகிறார்கள்.