சீக்ரெட் காதலர் இவர்தானா? காதலர் தினத்தில் புகைப்படத்தை வெளியிட்ட சமந்தா.. குவியும் வாழ்த்து

Updated: Friday, February 14, 2025, 19:19 [IST]

Subscribe to Oneindia Tamil

சென்னை: இன்று பிப்ரவரி 14 காதலர் தினத்தை உலகெங்கும் உள்ள காதலர்கள் கொண்டாடி மகிழ்ந்து கொண்டு இருக்கிறார்கள். தங்களுடைய காதலர்களோடு எடுக்கும் புகைப்படத்தை சமூக வலைதள பக்கங்களில் பகிர்ந்து வருகிறார்கள். இந்த நிலையில் சமந்தா சில சீக்ரெட் புகைப்படங்களை வெளியிட்டு இருக்கிறார். இது இணையத்தில் அதிக லைக் பெற்று வருகிறது.

தமிழ் சினிமாவில் உள்ள ஒரு சில நடிகைகள் பற்றி இணையத்தில் அதிகமான பேச்சு இருந்து கொண்டே இருக்கிறது. அதிலும் நடிகை சமந்தாவை பற்றி சொல்லவே வேண்டாம். அவர் குறித்த செய்திகள் அடிக்கடி இணையத்தில் பரபரப்பு ஏற்படுத்தி விடுகிறது. அதுபோல தான் ஒர்க்கவுட் செய்யும் புகைப்படங்கள், வீடியோக்கள் போன்றவற்றையும் சமந்தா அடிக்கடி பகிர்ந்து வருகிறார்.

நடிகர் நாக சைதன்யாவை காதலித்து திருமணம் செய்த சமந்தா சில வருடங்களில் விவாகரத்து அறிவித்துவிட்டார். இந்த செய்தி பெரிய அளவில் பேசப்பட்டது. அதைத் தொடர்ந்து நாக சைதன்யா சோபிதாவை இரண்டாவதாக திருமணமும் செய்து கொண்டார். நாக சைதன்யா இரண்டாவது திருமணம் செய்து குறித்து சமந்தா வருத்தப்படுகிறார் என்றெல்லாம் இணையத்தில் பலருக்கு பேசி வந்த நிலையில் அதற்கு சில நாட்களுக்கு முன்பு விளக்கமும் கொடுத்திருந்தார்.

தேவையில்லாத செலவு.. EX-க்கு கொடுத்த விலைமதிப்பற்ற கிப்ட்.. வெளிப்படையாக பேசிய சமந்தா
யார் எப்படி போனால் எனக்கு என்ன? எனக்கு நிறைய வேலை இருக்கிறது. அதை பார்ப்பதற்கு எனக்கு சரியாக இருக்கிறது. நான் யாரைப் பற்றியும் பொறாமைப்படவில்லை என்று விளக்கம் கொடுத்திருந்தார். அதுபோல சமந்தாவின் அப்பா சில மாதங்களுக்கு முன்புதான் திடீரென காலமானார். அந்த வருத்தத்தில் இருந்த சமந்தா மீண்டும் தன்னுடைய சூட்டிங்கிற்கு திரும்பி இருக்கிறார்.

நாக சைதன்யாவுக்கு துலிபாலாவுடன் திருமணம் ஒருபக்கம்.. பாலிவுட் பிரபலத்தை மணக்கும் சமந்தா?
உடல்நல பிரச்சனைகள் தனக்கு இருந்தாலும் அதோடு போராடி மீண்டு வந்து கொண்டிருக்கும் சமந்தா இரண்டாவது திருமணம் செய்யப் போகிறார் என்ற செய்திகள் அடிக்கடி வைரலாகி வருகிறது. இந்த நிலையில் இதற்கு மேலும் வலு சேர்க்கும் வகையில் சமந்தா இன்று சில புகைப்படங்களை பகிர்ந்திருக்கிறார்.

இன்று காதலர் தினமான நிலையில் சமந்தா வெளியிட்ட புகைப்படம் இணையத்தில் பரபரப்பை ஏற்படுத்தி இருக்கிறது. அதாவது அந்த புகைப்படங்களில் ஒரு புகைப்படத்தில் ஒரு ஆணும் பெண்ணும் ஜூஸ் குடிக்கிறார்கள். ஆனால் அந்த போட்டோவில் இருவருடைய கைகள் மட்டும் தான் தெரிகிறது. இதை சமந்தா பகிர்ந்து இருப்பதால் அந்தப் பெண்ணுடைய கை சமந்தாவாகத்தான் இருக்கும் என்று ரசிகர்கள் யோசிக்கிறார்கள்.

ஆனால் அந்த போட்டோவில் சமந்தா யாரோடு இருக்கிறார் என்று தெரியவில்லை. இதனால் சமந்தாவின் சீக்ரெட் காதலர் யார் என்று குழப்பத்தில் ரசிகர்கள் இருக்கிறார்கள். அதுபோல அந்த புகைப்படங்களில் ஒன்றில் ஹார்ட் போட்ட சிம்பிள் ஒன்றும் வெளியிட்டு இருக்கிறார்கள். இதனால் சமந்தா காதலில் விழுந்தாரா? அது பற்றிய விளக்கத்தை சீக்கிரமாக கொடுப்பாரா? என்று எதிர்பார்ப்போடு ரசிகர்கள் இருக்கிறார்கள்.