வள்ளலார் ஆலயத்துக்கு போன சிம்பு.. தடுத்து நிறுத்திய பக்தர்.. தக் லைஃப் பதில் கொடுத்து டிஆர் மகன்னு நிரூபிச்சிட்டாரே!

Updated: Wednesday, October 8, 2025, 12:12 [IST]

Subscribe to Oneindia Tamil

சென்னை: தமிழ் சினிமாவின் 'லிட்டில் சூப்பர் ஸ்டார்' என்றழைக்கப்படும் நடிகர் சிலம்பரசன் TR-ன் (சிம்பு) சமீபத்திய ஆன்மீகப் பயணம், ரசிகர்களைத் தாண்டிப் பொதுமக்களையும் நெகிழ வைத்திருக்கிறது. பரபரப்பான சினிமா வாழ்க்கையிலிருந்து விலகி, அமைதியைத் தேடி அவர் மேற்கொண்ட வடலூர் பயணம், தற்போது பல உணர்வுப்பூர்வமான காட்சிகளால் இணையத்தில் வைரலாகிக் கொண்டிருக்கிறது.

வள்ளலார் சன்னதியில் சிம்பு

நடிகர் சிம்பு, கடலூர் மாவட்டத்திலுள்ள புகழ்பெற்ற வடலூர் வள்ளலார் ஆலயத்திற்கு சென்று சாமி தரிசனம் செய்தார். பரபரப்பான கூட்டத்தைத் தவிர்த்து, அமைதியாக ஆலயம் முழுவதும் சுற்றிப் பார்த்த அவர், சன்னதியின் ஒரு மூலையில் சிறிது நேரம் கண்மூடி தியானமும் செய்திருக்கிறார்.

அங்கிருந்த மக்கள், தங்கள் மனம் கவர்ந்த ஹீரோவை நெருங்கத் தயங்கி, தூர இருந்தே வேடிக்கை பார்த்திருக்கிறார்கள். தரிசனத்தை முடித்த சிம்பு, வெளியே வந்தபோது அங்கிருந்த ஒரு நாய்க்குட்டிக்கு கனிவுடன் பிஸ்கட் கொடுத்துவிட்டுப் போன வீடியோ, ஜீவகாருண்யத்தைப் போற்றும் வள்ளலாரின் இடத்தில், சிம்புவின் அந்தச் செயல் மிகவும் பொருத்தமாக அமைந்ததாகப் பாராட்டுகளைப் பெற்றது.

சிம்புவின் பதில்

ஆனால், இதில் உச்சகட்ட உணர்ச்சிப்பூர்வமான சம்பவம் இப்போதுதான் வெளியாகி உள்ளது. சிம்பு வேகமாக நடந்து கொண்டிருந்தபோது, அங்கிருந்த பக்தர் ஒருவர், கைகளைக் கூப்பியபடி, அவசரமாக அவரைத் தடுத்து நிறுத்தினார்.

அந்த பக்தர், "நீங்க இந்த ஆலயத்துக்கு வந்தது எங்களுக்குச் சந்தோஷம். ராமலிங்க அடிகளார் ஐயா எல்லோரையும் தன் உயிரைப் போல நேசிக்கச் சொல்லி இருக்கார். ஆடு மாடுகள் எல்லாமே நம்மைப் போன்ற உயிர்கள்தான். அதனால் நீங்கள் சைவம் சாப்பிட்டு அந்த உயிர்கள் மீது அன்பு செலுத்துங்கள்" என்று மிகுந்த மரியாதையுடன் வேண்டுகோள் வைத்தார்.

பக்தரின் இந்தக் கனிவான கோரிக்கையைச் சிரித்த முகத்துடன் கேட்ட நடிகர் சிம்பு, உடனடியாக அதே பாசத்துடன், "நான் சைவமாக இருந்ததால் தான் இந்த கோவிலுக்கு வந்தேன்! இல்லை என்றால் இங்கே வருவேனா?" என்று பதிலளித்தார்.

சிம்புவின் இந்தக் கேள்வி, தான் ஏற்கெனவே சைவப் பிரியர் என்பதையும், வள்ளலாரின் ஜீவகாருண்யத் தத்துவத்தை மதிப்பதால்தான் இந்த ஆலயத்திற்கு வந்தேன் என்பதையும் தெளிவாக உணர்த்துவதாக இருந்தது. கனிவும், தன்னடக்கமும் நிறைந்த இந்தப் பதிலைப் பார்த்த ரசிகர்கள், சிம்புவின் பக்குவத்தை மேலும் பாராட்டி வருகின்றனர்.

டி.ஆர்-ன் ஆசை

இந்த ஆன்மீகப் பயணத்துக்குப் பின்னால், சிம்புவின் தந்தை டி. ராஜேந்தர் சமீபத்தில் வைத்த ஒரு உருக்கமான கோரிக்கையும் நினைவுக்கு வருகிறது.

சில நாட்களுக்கு முன்பு பேசிய டி. ராஜேந்தர், ராமலிங்க அடிகளார் பற்றியும், அவருடைய ஜீவகாருண்யத்தைப் பற்றியும் பெருமையாகப் பேசியிருந்தார். அதைத் தொடர்ந்து, தன் மகன் சிம்புவின் பிறந்தநாளைக் கூட, "வள்ளலாரின் ஜீவகாருண்யத்தை நிலைநாட்டும் விதமாக, ஏழை எளியவர்களுக்கு அன்னதானம் செய்து கொண்டாட வேண்டும்" என்று அவர் பகிரங்கமாக விருப்பம் தெரிவித்திருந்தார்.

தந்தை டி.ஆரின் ஆசைப்படியே, மகன் சிம்பு வள்ளலாரின் சன்னதிக்கே நேரில் வந்து, அமைதி தேடி, விலங்குகளுக்கு அன்பு காட்டியிருப்பது, டி.ஆர் குடும்பம் ஆன்மீகத்தின் மீது வைத்திருக்கும் அசைக்க முடியாத நம்பிக்கையை வெளிப்படுத்துகிறது. சர்ச்சைகள், வெற்றிகள் என எல்லாவற்றையும் கடந்து வந்த சிம்பு, இப்போது அமைதியையும், பக்குவத்தையும் தேடிச் செல்லும் ஒரு கலைஞனாக உருவெடுத்திருப்பது, அவரது ரசிகர்களுக்குப் பெருமையையும், நெகிழ்ச்சியையும் கொடுத்துள்ளது.