ஆரம்பமே சாய் பல்லவிக்கு இழுத்துட்டு போகுதே.. அதுவிடுங்க, வடசென்னை 2 படத்தின் குட்நியூஸ் பாருங்க

Updated: Saturday, September 13, 2025, 20:49 [IST]

Subscribe to Oneindia Tamil

சென்னை: ராமாயணா என்ற படத்தில் சீதா வேடத்தில் சாய் பல்லவி நடித்துள்ளார். இதில், அவர் நடித்துள்ள சீதாதேவி கேரக்டர் வட இந்திய நெட்டிசன்களால் விமர்சிக்கப்பட்டுள்ளதுடன், இந்த வேடத்தில் அவர் நடிப்பது ராமாயணா காவியத்தை அவமதிப்பது போல் இருப்பதாகவும் விமர்சனங்கள் எழுந்தபடி உள்ளன.. இந்நிலையில், சாய் பல்லவி நடிக்கும் 2 படங்களை பற்றி தகவல்கள் தற்போது வெளியாகியிருக்கின்றன.

பிரேமம் படத்தின் மூலம் மலர் டீச்சராக அறிமுகமான சாய் பல்லவி தமிழ் , இந்தி , மலையாளம், தெலுங்கு என அனைத்து மொழி ரசிகர்களையும் கவர்ந்தார்.

சாய் பல்லவி - அடுத்த படம்

தமிழில் பெரிய அளவில் வாய்ப்புகள் கிடைக்காவிட்டாலும், அவ்வப்போது ஒரு படத்தில் நடித்தாலும் அதற்கு ரசிகர்களின் பெரும் ஆதரவும் வரவேற்பும், சாய் பல்லவிக்கு கிடைத்து வருகிறது. பெரிதாக எந்த சர்ச்சையிலும் சிக்காமல், எளிமையான நடிப்பு, நளிதான நடனம் மூலம் தென்மாநில ரசிகர்களை தன் பக்கம் ஈர்த்துள்ளார் சாய் பல்லவி.

மேலும் தனக்கு முக்கியத்துவம் உள்ள கதாபாத்திரங்களின் மூலம் ரசிகர்களின் மதிப்பையும் பெற்றிருப்பவர்.. தமிழில் சமீபத்தில் அமரன் படத்தில் நடித்து, அபாரமான பாராட்டை சாய் பல்லவி பெற்றிருந்தார். அமரன் படத்தில் நடிக்க முதலில் தயங்கியிருக்கிறார் சாய் பல்லவி.

பிறகு, மேஜர் முகுந்தின் மனைவி இந்துவை சந்தித்து பேசிவிட்டு அதன் பிறகு முடிவு செய்யுங்கள் என சாய் பல்லவியிடம் சொன்னாராம் ராஜ்குமார் பெரியசாமி. இந்துவை சந்தித்த பிறகு இந்த படத்தில் கண்டிப்பாக, தான் நடிப்பதாக கூறியிருக்கிறார்.

முதல் படமே தள்ளிப்போகுதா?

இப்போது நடிகை சாய்பல்லவி பாலிவுட்டிலும் அறிமுகமாக போகிறார்.. ஆரம்பத்தில், அந்த் படத்திற்கு ''ஏக் தின்'' என்று பெயரிடப்பட்டு நவம்பர் 7ம் தேதி வெளியாகும் என்று தெரிவிக்கப்பட்டிருந்தது.

ஆனால் இப்போது ''மேரே ரஹோ' என்று படத்திற்கு பெயரிடப்பட்டுள்ளதாகவும் நவம்பர் 7 ம் தேதிக்கு பதிலாக டிசம்பர் 12 அன்று திரையரங்குகளில் வெளியாக உள்ளதாகவும் தகவல் வெளியாகி இருக்கிறது.

சுனில் பாண்டே இயக்கத்தில் அமீர் கானின் மகன் ஜுனைத் கான் நடித்திருக்கும் இந்த படத்தை அமீர் கான் மற்றும் மன்சூர் கான் ஆகியோர் இணைந்து தயாரித்துள்ளனர். இந்த படம் தவிர, பாலிவுட்டில் சாய்பல்லவி ''ராமாயணம்'' படத்திலும் நடித்து வருகிறார். 2 பாகங்களாக உருவாகும் இப்படத்தின் முதல் பாகம் அடுத்த வருடம் தீபாவளிக்கு தியேட்டர்களில் ரிலீஸாக போகிறது..

சிம்பு ஜோடியாக சாய் பல்லவி

அதேபோல, வடசென்னை 2 படத்திலும் சாய் பல்லவி நடிக்க வாய்ப்புள்ளதாக மற்றொரு தகவல் வெளியாகியிருக்கிறது.. தனுஷின் வடசென்னை பட சாயல், இந்த 2ம் பாகத்திலும் அதிகம் இருக்கும் என ரசிகர்கள் எதிர்பார்க்கின்றனர்... இந்த படத்தில் சிம்பு நடிப்பதாக உள்ளது.. அதாவது சிம்பு-வெற்றிமாறனுடன் கூட்டணி அமைத்து தனது 49வது படத்தில் நடிக்க உள்ளார்.

இதில் சிம்புவுக்கு ஜோடியாக சாய் பல்லவி நடிக்க இருப்பதாக ஒரு தகவல் வெளியாகியுள்ளது. வடசென்னை கதைக்களத்தில் உருவாகும் இந்த படத்தில் கேங்ஸ்டர் வேடத்தில் சிம்பு நடிக்கும் நிலையில் சாய் பல்லவியும் வடசென்னை பெண்ணாக பேசி நடிக்க உள்ளதாகவும் கூடுதல் தகவல்கள் வெளியாகி, ரசிகர்களை குஷிப்படுத்தி வருகின்றன..

தனுஷ் தந்த குட்நியூஸ்

சேகர் கம்முலா இயக்கத்தில் தனுஷ் நடித்திருந்த குபேரா படத்தின் இசை வெளியீட்டு விழா கடந்த ஜூன் மாதம் சென்னையில் நடைபெற்றது.. இதில் தனுஷிடம் 'வடசென்னை 2' எப்போது என்று ரசிகர்கள் கேள்வி எழுப்பினர்.

இதற்கு பதிலளித்த தனுஷ் 'நீங்களும் 2018 முதல் கேட்டுக் கொண்டிருக்கிறீர்கள். கண்டிப்பாக அடுத்த ஆண்டு 'வடசென்னை 2' உருவாகும்' என்று உறுதி கூறியிருந்தது நினைவிருக்கலாம். இப்போது, வடசென்னை2 படத்தில் சிம்புவுக்கு ஜோடியாக நடிக்கப்போகும் நடிகை சாய் பல்லவி என்பது கூடுதல் தகவலாக வட்டமடித்து ரசிகர்களை குஷிப்படுத்திவருகிறது.