"அயலியை அம்மாவுடன் பாருங்கள்” இது பலருடைய கதை.. வெற்றி விழாவில் இயக்குனர் முத்துக்குமார் பேச்சு

அயலி வெப்சீரிஸை அனைவரும் அம்மாவுடன் சேர்ந்து பாருங்கள் என இயக்குனர் முத்துக்குமார் வேண்டுகோள் வைத்து இருக்கிறார்.

சென்னை: அயலி வெப் சீரிஸ் வெற்றி விழாவில் இயக்குனர் முத்துக்குமார் ரசிகர்களுக்கு வேண்டுகோள் வைத்திருக்கிறார்.

என் அம்மா மற்றும் பல பெண்களுடைய வாழ்க்கையில் நடந்த நிகழ்வுகள் தான் அயலி திரைப்படத்தில் வந்துள்ளது என கூறி இருக்கிறார்.

அயலி திரைப்படத்தில் நடக்கும் நிகழ்வுகள் பல பெண்களின் வாழ்க்கையிலோ அல்லது பலர் சொல்லியோ கேட்டிருப்பார்கள் என்று கூறி இருக்கிறார்.

வெற்றி கொண்டாட்டம்

கடந்த ஜனவரி 26 ஆம் தேதி ஜி5 ஒடிடி தளத்தில் வெளியான அயலி வெப் சீரிஸ் ரசிகர்களிடையே நல்ல வரவேற்பை பெற்றிருக்கிறது. இதுவரைக்கும் எந்த கமர்சியல் வெப் சீரிஸ்க்கும் இந்த அளவிற்கு இதை போன்று வரவேற்பு கிடைக்கவில்லை என்று சொல்லும் வகையில் தான் இந்த வெப் சீரிஸ் வரவேற்பு கிடைத்திருக்கிறது. இது இதுவரைக்கும் 50 பில்லியன் பார்வை நிமிடங்களை கடந்து சாதனை படைத்திருக்கிறது அது மட்டும் அல்லாமல் நான்கு வாரங்களாக கடந்தும் ரசிகர்களின் பிடித்த சீரியஸில் முன்னணியில் இருக்கிறது வெப் சீரிஸ் வெற்றி கொண்டாட்டம் சென்னை சாலிகிராமத்தில் உள்ள பிரசாந்த் லேப்பில் நடைபெற்றது.

இதை எதிர்பார்க்கவில்லை

வெற்றி விழாவில் இயக்குனர் முத்துக்குமார் வெப் சீரிஸ் என்பதால் நிறைய கதாபாத்திரங்கள் தேவைப்பட்டது. கதாபாத்திரங்களுக்குள் முக்கியத்துவம் மாறுபடாக இருக்கும் ஆனால் அதை எல்லாம் பொருட்படுத்தாமல் பல சீனியர் நடிகர்கள் இதில் நடித்து கொடுத்தனர். வெப் சீரிஸ் வெளியான பிறகு நடந்த சம்பவங்கள் அனைத்தும் எதிர்பாராதது. நினைத்து கூட பார்க்காத பல சம்பவங்கள் நடந்திருக்கிறது. திரையலகில் பலரும் எனக்கு தொடர்ந்து தொடர்பு கொண்டு பேசி வாழ்த்தினார்கள். அது மட்டும் அல்லாமல் அரசியலில் இருப்பவர்களும் வாழ்த்தினார்கள். மாதவிடாய் காலங்களில் பெண் ஒருவர் பூஜை அறைக்குள் சென்றது குறித்த மாற்றங்களை நிறைய பேர் என்னிடம் கூறும்போது நெகிழ்ந்தேன்.

பலர் சந்தித்த பிரச்சனை

இந்த சினிமா சமூகத்தில் மாற்றத்தை உண்டாக்கும் என நான் நினைத்ததில்லை. காரணம் ஏற்கனவே மாற்றத்திற்கான சமூகத்தில் போராடிக் கொண்டிருப்பவர்களுக்கு பக்க பலமாக சினிமா இருக்கும் என நான் நினைத்தேன். ஆனால் இப்போது இந்த சினிமாவால் பல மாற்றங்களை அரங்கேற்ற முடியும் என்பதை நானும் புரிந்து கொண்டிருக்கிறேன் என்று கூறியிருக்கிறார். அது மட்டுமில்லாமல் அயலியை உங்கள் அம்மாவுடன் சேர்ந்து பாருங்கள். நான் இதை படமாக்கலாம் என நினைத்தபோது என் அம்மாவும் இதை சந்தித்திருக்கலாம் என்று எனக்கு தோன்றியது.இந்த சீரியஸில் அனுமோல், நடித்த குருவம்மாள் குழந்தையாக இருக்கும்போது பக்கத்தில் இருப்பவரின் சிலேட்டை பார்த்து எழுதி டீச்சர்ரிடம் அடி வாங்கியது என்னுடைய அம்மா சொன்ன கதை தான்.

ஆண்களின் நம்பிக்கை

இதே போல நிறைய பெண்கள் சந்தித்த பல பிரச்சனைகளையும் இந்த தொடருக்காக நான் பயன்படுத்திக் கொண்டிருக்கிறேன். அவர்கள் தான் இந்த கதைக்கு காரணம். அது மட்டும் அல்லாமல் இந்த கதை பெண்களை மைய கதாபாத்திரமாக கொண்ட கதையாக இருந்தாலும், ஆண் கேரக்டர்களும் கதைக்காக உள்ளே வந்து நடித்தது அந்த மைண்ட் செட் எனக்கு மகிழ்ச்சியாக இருந்தது. மொத்த குழுவும் என் மீது நம்பிக்கை வைத்தார்கள் என்று கூறியிருக்கிறார்.

English summary

Director Muthukumar appeals to fans at Ayali web series success.Ayali says that the events that happened in the life of my mother and many other women have come in the film.Ayali says that the events that happen in the movie are in the lives of many women or have been heard by many people.