“திருடா திருடி“ பட நடிகை சாயா சிங் நடிக்கும் புது சீரியல்..அதுவும் இத்தனை பிரபலங்களா? ஆரம்பமே அசத்தல்

Updated: Tuesday, December 24, 2024, 12:24 [IST]

Subscribe to Oneindia Tamil

சென்னை: தமிழ் சின்னத்திரையில் முன்னணி தொலைக்காட்சி சேனல்களில் ஒன்றாக இருந்து வருகிறது ஜீ தமிழ். இந்த சேனலில் ஒளிபரப்பாகி வரும் சீரியல்கள் ரசிகர்கள் மத்தியில் நல்ல வரவேற்பை பெற்று வருகிறது.

அதுமட்டுமின்றி சேனலும் தொடர்ந்து புதுப்புது சீரியல்களை களத்தில் இறக்கி வருகிறது. சமீபத்தில் மௌனம் பேசியதே என்ற சீரியல் புதியதாக ஒளிபரப்பாக தொடங்கியது.

இதை தொடர்ந்து மனசெல்லாம் என்ற பெயரில் புதிய சீரியல் ஒளிப்பரப்பாக இருப்பதாக ப்ரோமோ வீடியோவுடன் அறிவிப்பு வெளியானது.

இந்த நிலையில் கெட்டிமேளம் என்ற பெயரில் மற்றுமொரு புத்தம் புதிய சீரியல் ஒளிபரப்பாக இருப்பதாக அறிவிப்பு வெளியாகியுள்ளது. அதுவும் ஜீ தமிழ் வரலாற்றில் முதல் முறையாக 1 மணி நேர எபிசோடாக இந்த சீரியல் ஒளிபரப்பாக உள்ளதாக அறிவிக்கப்பட்டுள்ளது.

இது குறித்த ப்ரோமோ வீடியோ வெளியாகியுள்ளது. ப்ரோமோவில் சிப்பு சூரியன், விராட், சாயா சிங், பொன்வண்ணன் மற்றும் ப்ரவீனா என பெரிய நட்சத்திர பட்டாளங்கள் இந்த சீரியலில் இணைந்து நடிக்க உள்ளனர் என்பதும் தெரிய வந்துள்ளது.

இதனால் இந்த சீரியல் மீதான எதிர்பார்ப்பு ப்ரோமோ வீடியோ மூலமாகவே உச்சம் பெற்றுள்ளது. இந்த சீரியல் ப்ரைம் டைம் நேரத்தில் ஒளிபரப்பாக இருப்பதாகவும் கூடுதல் தகவல்கள் கிடைத்துள்ளன.

அதுபோல இந்த சீரியலில் நடிகை பிரவீனா- லட்சுமி என்ற கேரக்டரில் நடித்திருக்கிறார். அதுபோல நடிகர் பொன்வண்ணன்- சிவராமன் என்ற கேரக்டரில் நடிக்கிறார். திருடா திருடி திரைப்படத்தின் மூலம் பிரபலமான சாயாசிங்- துளசி கேரக்டரில் நடிக்கிறார். சன் டிவியில் ஒளிபரப்பான ரோஜா சீரியல் மற்றும் ஜீ தமிழில் ஒளிபரப்பாகி வரும் வீரா சீரியலில் நடித்த நடிகர் சிபு வெற்றி கேரக்டரில் நடிக்கிறார்.

அதுபோல சன் டிவியில் ஒளிபரப்பான அன்பே வா சீரியலில் கதாநாயகனாக நடித்த விராட் -மகேஷ் கேரக்டரில் நடிக்கிறார். அவருக்கு ஜோடியாக தான் மீனாட்சி பொண்ணுங்க சீரியலில் கதாநாயகியாக நடித்த நடிகை சௌந்தர்யா- அஞ்சலி கேரக்டரில் நடிக்கிறார். இவர்கள் கூட்டணியில் இந்த சீரியல் ரசிகர்களை அதிக எதிர்பார்ப்படைய வைத்திருக்கிறது.