• search
திருவனந்தபுரம் அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

9 பேர் உயிரிழந்த கோர விபத்துக்கு காரணம் இதானா? டான்ஸ் ஆடிக்கொண்டே பஸ் ஓட்டிய டிரைவர் - ஷாக் வீடியோ!

Google Oneindia Tamil News

திருவனந்தபுரம்: கடந்த 5ஆம் தேதி கேரளாவிலிருந்து உதகைக்கு பள்ளி மாணவர்களை சுற்றுலா அழைத்து வந்த பேருந்து விபத்துக்குள்ளானதில் 9 பேர் உயிரிழந்த சம்பவம் பெரும் சோகத்தை ஏற்படுத்தியது.

சுற்றுலா பேருந்தை அதிக வேகத்தில் இயக்கியதால்தான் இந்த விபத்து ஏற்பட்டுள்ளதாக முதற்கட்ட விசாரணையில் தெரியவந்துள்ளது. விபத்தை ஏற்படுத்தி விட்டு அதன் ஓட்டுநர் தலைமறைவாகி இருந்த நிலையில் இன்று கைது செய்யப்பட்டுள்ளார்.

இந்நிலையில் இந்த ஓட்டுநர் இதற்கு முன்னர் ஓட்டிய பேருந்தில் செய்த பொறுப்பற்ற செயல்கள் வீடியோவாக வெளிவந்துள்ளது.

சுற்றுலா துயரம்: கோவையில் இருந்து சென்ற கேரளா அரசு பேருந்து மீது பள்ளி பேருந்து மோதி 9 பேர் பலி! சுற்றுலா துயரம்: கோவையில் இருந்து சென்ற கேரளா அரசு பேருந்து மீது பள்ளி பேருந்து மோதி 9 பேர் பலி!

விபத்து

விபத்து

கடந்த அக்டோபர் 5ஆம் தேதி கேரள மாநிலம் எர்ணாகுளம் மாவட்டத்தில் உள்ள பள்ளியிலிருந்து 11 மற்றும் 12ஆம் வகுப்பு மாணவர்களை ஊட்டிக்கு சுற்றுலா அழைத்து வந்த பேருந்து ஒன்று விபத்துக்குள்ளானதில் 5 மாணவர்கள் உட்பட 9 பேர் பரிதாபமாக உயிரிழந்த சம்பவம் பெரும் சோகத்தை ஏற்படுத்தியிருந்தது. இந்த விபத்தையடுத்து பொதுமக்கள் காயமடைந்தவர்களை மீட்டு மருத்துவமனையில் அனுமதித்தனர். இதில் ஓட்டுநர் ஜோமோன் நல்வாய்ப்பாக உயிர்பிழைத்தார்.

விசாரணை

விசாரணை

ஆனால் தான் ஆசிரியர் என்று கூறி மருத்துவமனையில் சிகிச்சை பெற்று வந்த ஜோமோன் திடீரென தலைமறைவாகிவிட்டார். இதனையடுத்து காவல்துறையினர் அவரை தேடி வந்தனர். இரண்டு நாட்களுக்கு பின்னர் அவர் கைது செய்யப்பட்டார். விபத்து குறித்து அவரிடம் காவல்துறையினர் விசாரணை மேற்கொண்டனர். முன்னாள் சென்ற அரசு பேருந்து திடீரென நின்றதால்தான் சுற்றுலாப் பேருந்து அதன் மீது மோதியதாக ஜோமோன் குற்றம் சாடினார்.

குற்றச்சாட்டு

குற்றச்சாட்டு

அரசுப் பேருந்து ஓட்டுநரிடம் விசாரிக்கையில் சுற்றுலா பேருந்து அதிவேகமாக வந்ததே விபத்திற்கு காரணம் என்று சொல்லப்பட்டது. இதனையடுத்து அப்பகுதியில் உள்ள கண்காணிப்பு கேமராக்கள் மற்றும் வாகனத்தில் உள்ள வேக கட்டுப்பாட்டு கருவியையும் காவல்துறையினர் ஆய்வு செய்து வருகின்றனர். இதற்கிடையில் விபத்து குறித்து அறிக்கை அளிக்க மாநில போக்குவரத்து அமைச்சகம் போக்குவரத்து ஆணையருக்கு உத்தரவிட்டிருந்தது.

வீடியோ

வீடியோ

இதன்படி போக்குவரத்து ஆணையரால் கொடுக்கப்பட்ட அறிக்கையில், சுற்றுலா பேருந்து ஓட்டுநரின் அலட்சியம் காரணமாகவே விபத்து ஏற்பட்டிருப்பதாக கூறப்பட்டுள்ளது. இவ்வாறு இருக்கையில், ஓட்டுநர் ஜோமோன் வேறு பள்ளி மாணவர்களுடன் சுற்றுலா சென்றபோது பேருந்து ஓட்டிக்கொண்டிருக்கையில் அவர் செய்த பொறுப்பற்ற செயல்கள் வீடியோவாக தற்போது வெளியாகியுள்ளன. அவர் ஓட்டுநர் இருக்கையிலிருந்து எழுந்து DJ பாட்டுக்கு நடனமாடிக் கொண்டிருந்துள்ளார். இந்த வீடியோ தற்போது கேரளா முழுவதும் வேகமாக பரவி வருகிறது.

English summary
On Oct 5th a bus carrying school students from Kerala to ooty met with an accident in which 9 people lost their lives. The driver who caused the accident was absconding and was arrested today. In this case, the irresponsible actions done by this driver in the bus which he had driven before has come out on video.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X