மார்ச் 11-ல் 4 தென் மாவட்டங்களில் மிக கனமழைக்கு வாய்ப்பு-ஆரஞ்சு அலர்ட்-12 முதல் 20 செ.மீ கொட்டுமாம்!

சென்னை: தமிழ்நாட்டில் நாளை மார்ச் 10-ந் தேதி முதல் 4 நாட்களுக்கு கனமழைக்கான வாய்ப்பு உள்ளதாக சென்னை வானிலை ஆய்வு மையம் எச்சரித்துள்ளது. சென்னையில் நாளை மிதமான மழைக்கு வாய்ப்பு இருக்கிறது; மார்ச் 11-ந் தேதி 8 மாவட்டங்களில் கனமழை பெய்யக் கூடும்; மார்ச் 11-ந் தேதி 4 மாவட்டங்களில் மிக கனமழைக்கான வாய்ப்பு உள்ளது; மிக கனமழைக்கான வாய்ப்புள்ள தென்காசி, கன்னியாகுமரி, தூத்துக்குடி மற்றும் திருநெல்வேலி மாவட்டங்களுக்கு ஆரஞ்சு அலர்ட் விடுக்கப்பட்டுள்ளது; ஆரஞ்சு அலர்ட் விடுக்கப்பட்ட இந்த மாவட்டங்களில் 12 முதல் 20 செமீ மழை பெய்யக் கூடும் எனவும் வானிலை ஆய்வு மையம் தெரிவித்துள்ளது.

சென்னை வானிலை ஆய்வு மையம் தெரிவித்துள்ளதாவது: கடந்த 24 மணிநேரத்தில் அதிகபட்சமாக ஈரோட்டில் 38.2 டிகிரி செல்சியஸ் வெப்ப நிலை பதிவாகி இருக்கிறது.

வெப்ப நிலை உயரலாம்: மார்ச் 10-ந் தேதி நாளை திங்கள்கிழமை வரை வெப்பநிலை அதிகரித்து காணப்படும். 2 டிகிரி முதல் 3 டிகிரி செல்சியஸ் வரை வெப்ப நிலை உயரலாம்.

வெப்ப நிலை குறையும்: மார்ச் 11-ந் தேதிக்குப் பின்னர் தமிழ்நாட்டில் வெப்ப நிலை சற்று குறையத் தொடங்கும். உள் தமிழ்நாடு, அதனை ஒட்டிய பகுதிகளில் வளிமண்டல கீழடுக்கு சுழற்சி காரணமாக மார்ச் 11-ந் தேதி 12 மாவட்டங்களில் கனமழைக்கு வாய்ப்பு உள்ளது.

மார்ச் 11-ல் மழைக்கு வாய்ப்பான மாவட்டங்கள்: சிவகங்கை, ராமநாதபுரம், புதுக்கோட்டை, தஞ்சாவூர், திருவாரூர், மயிலாடுதுறை, கன்னியாகுமரி, திருநெல்வேலி, தென்காசி, தூத்துக்குடி, விருதுநகர், நாகை

மார்ச் 11-ல் மிக கனமழைக்கான வாய்ப்பு உள்ள மாவட்டங்கள்- ஆரஞ்சு அலர்ட்:

கன்னியாகுமரி, திருநெல்வேலி, தென்காசி, தூத்துக்குடி ஆகிய 4 மாவட்டங்களில் மார்ச் 11-ந் தேதி முதல் மிக கனமழைக்கான ஆரஞ்சு அலெர்ட் விடுக்கப்பட்டுள்ளது.

12 செ.மீ முதல் 20 செ.மீ மழை: ஆரஞ்சு அலர்ட் விடுக்கப்பட்ட இந்த 4 மாவட்டங்களில் 12 செமீ முதல் 20 செமீ மழை வரை பதிவாகக் கூடும்.

English summary

The Chennai Meteorological Department has warned of heavy rainfall in Tamil Nadu for four days starting from March 10. Chennai is likely to receive moderate rain tomorrow, while heavy rainfall is expected in eight districts on March 11. Additionally, very heavy rainfall is likely in four districts—Tenkasi, Kanyakumari, Thoothukudi, and Tirunelveli—on March 11, prompting an Orange Alert for these regions.