தலைவர் 173! ரஜினியின் படத்தை இயக்க போவது இந்த இயக்குநரா? வெளியான உறுதி தகவல்?

சென்னை: ரஜினிகாந்த் நடிக்கும் 173 ஆவது படத்தை இயக்குவது இந்த இயக்குநரா? இளம் இயக்குநர்களிடம் கதை கேட்டதை தொடர்ந்து ரஜினிக்கு இவரது கதை பிடித்து போய்விட்டதா என்ற கேள்வி எழுந்துள்ளது. அவர் யார் என்பதை பார்ப்போம்.

கூலி படத்தைத் தொடர்ந்து ஜெயிலர் 2 படத்தில் ரஜினிகாந்த் நடித்து வருகிறார். இந்த படம் வரும் ஜூன் மாதம் வெளியாகும் என சொல்லப்படுகிறது. இந்த படத்தை நெல்சன் இயக்கி வருகிறார்.

இந்த நிலையில் கமல் தயாரிப்பில் ரஜினி ஒரு படத்தில் நடிக்கிறார் என்ற அறிவிப்பு, கமலின் பிறந்தநாளையொட்டி நவம்பர் 6ஆம் தேதி வெளியானது. அந்த படத்தை சுந்தர் சி இயக்குகிறார் என சொல்லப்பட்டது.

ரஜினி ரசிகர்களுக்கு, கமல் தயாரிப்பில் அவர் நடிப்பது அதிருப்தியை அளித்தாலும் அவரது படம் வெளியாகிறதே என மகிழ்ச்சி அடைந்தனர். இதை கமல் ரசிகர்களும் விரும்பவில்லை.

அறிவித்த சில நாட்களிலேயே அந்த படத்தில் இருந்து விலகுவதாக சுந்தர் சி அறிவித்தார். அவர் தனிப்பட்ட காரணங்களுக்காக தலைவர் 173 படத்திலிருந்து விலகுவதாக அறிவித்திருந்தார்.

இந்த நிலையில் தலைவர் 173 படம் தொடருமா இல்லை நிறுத்தப்படுமா என்ற கேள்வி எழுந்தது. எனினும் ரஜினி இளம் இயக்குநர்களான டான் படத்தின் சிபி சக்கரவர்த்தி, பார்க்கிங் பட இயக்குநர் ராம்குமார் பாலகிருஷ்ணன், டிராகன் பட இயக்குநர் அஸ்வத் மாரிமுத்து உள்ளிட்டோருடன் ரஜினி கதை கேட்டதாக தகவல்கள் வெளியாகின.

ரஜினியுடன் பா. ரஞ்சித், நெல்சன், லோகேஷ் கனகராஜ் உள்ளிட்ட இளம் இயக்குநர்களுடன் சில ஆண்டுகளாக பணியாற்றிய நிலையில் தனது 173ஆவது படத்தையும் புதிய இயக்குநரிடம் அவர் ஒப்படைப்பார் என சொல்லப்பட்டது.

இந்த நிலையில் கமல் தயாரிப்பில் ரஜினி நடிக்கு 173ஆவது படத்தின் இயக்குநர் யார் என்பதை நாளை (ஜனவரி 3) காலை 11 மணிக்கு அறிவிக்கப்படும் என சொல்லப்பட்டது. இதுகுறித்து ராஜ்கமல் நிறுவனம் ட்வீட் வெளியிட்டுள்ளது.

இதனால் ரஜினி படத்தை இயக்க போகும் புதிய இயக்குநர் யார் என்ற எதிர்பார்ப்பு எழுந்துள்ளது. இதுகுறித்து பத்திரிகையாளரான பிஸ்மி தனது ட்விட்டர் பக்கத்தில் தெரிவித்துள்ளார். அவர் கூறுகையில், "டான் இயக்குநர் சிபி சக்கரவர்த்தி, ரஜினியின் 173 ஆவது படத்தை இயக்குகிறார், இதற்கான அறிவிப்பு நாளை காலை வெளியாகிறது" என தெரிவித்துள்ளார்.

English summary

CIBI ChakRavarthy: Speculation is rife over who will direct Superstar Rajinikanth’s 173rd film, with strong buzz suggesting that a young filmmaker may be at the helm. Reports indicate that Rajinikanth recently listened to story narrations from several young directors, and one particular storyline is said to have impressed him greatly. As anticipation builds ahead of the official announcement, fans are eager to know whether this director will indeed be chosen for the prestigious project.