பில் ஹியூக்ஸ் காயமடைந்து சரிந்து விழுந்த பிட்சுக்கு ஓய்வு!

சிட்னி: ஆஸ்திரேலியா வீரர் பிலிப் ஹியூக்ஸ், பவுன்சர் பந்து தாக்கி படுகாயமடைந்து கீழே விழுந்த பிட்ச்சுக்கு ஓய்வளிக்கப்பட்டுள்ளது.

இனிமேல் அந்த பிட்ச் பயன்படுத்தப்பட மாட்டாது என்று சிட்னி கிரிக்கெட் மைதான நிர்வாகிகள் தெரிவித்துள்ளனர். சிட்னி மைதானத்தின் 7வது பிட்ச் இது. 22 யார்டு நீளமுள்ள அந்த பிட்ச்சில்தான் தலையில் பந்து பட்டு படுகாயமடைந்த நிலையில் கீழே விழுந்தார் ஹியூக்ஸ் என்பதால் அந்த பிட்ச்சை இனிமேல் பயன்படுத்துவதில்லை என்ற முடிவு எடுக்கப்பட்டுள்ளது.

சிட்னி மைதானத்தில் மொத்தம் 10 பிட்ச்சுகள் உள்ளன. அதில் 7வது பிட்ச்சில்தான் ஹியூக்ஸ் படுகாயமடைந்து விழுந்தார் என்பது குறிப்பிடத்தக்கது.

இதுகுறித்து சிட்னி மைதான கியூரேட்டர் டாம் பார்க்கர் கூறுகையில், குறிப்பிட்ட அந்த பிட்ச்சுக்கு ஓய்வு தர முடிவு செய்துள்ளோம். அந்த பிட்ச்சில் ஆட எந்த வீரரும் முன்வர மாட்டார்கள். அனைவரின் மனதையும் துயரம் இன்னும் கவ்வியுள்ளது. எந்த ஒரு வீரரும் மரணமடைவதை நான் விரும்பவில்லை. நான் தயாரித்த பிட்ச்சில் யாரும் தங்களது ரத்தத்தை சிந்த நான் விரும்ப மாட்டேன்.

நடந்தது அனைவரையும் அதிர வைத்துள்ளது. இந்த நினைவு அவ்வளவு சீக்கிரமாக யாரையும் விட்டு அகலாது. எனது ஊழியர்கள் இன்னும் அதிர்ச்சியிலிருந்து மீளவில்லை. எனவேதான் அந்த பிட்ச்சை பயன்படுத்துவதில்லை என்ற முடிவுக்கு வந்துள்ளோம் என்றார் அவர்.

English summary

Sydney Cricket Ground's Pitch No.7, the 22-yard strip on which Phillip Hughes fell after being fatally struck by a bouncer on head, has been retired. The wicket square at the SCG has 10 pitches. Hughes received his fatal blow on pitch No 7 and fell face-forward.