பாரதி பக்கம்

ஏப்ரல் 03, 2001

ஆனாலும் புவியின்மிசை உயிர்க ளெல்லாம்

அநியாய மரணமெய்தல் கொடுமை யன்றோ?

தேனான உயிரைவிட்டுச் சாக லாமோ?

செத்திடற்குக் காரணந்தான் யாதென் பீரேல்,

கோனாகிச் சாத்திரத்தை யாளு மாண்பார்

ஜகதீச சந்த்ரவஸு கூறு கின்றான்:

(ஞானானு பவத்திலிது முடிவாங் கண்டீர்!)

நாடியிலே அதிர்ச்சியினால் மரணம் என்றான். (13)

கோபத்தால் நாடியிலே அதிரச்சியுண்டாம்!
கொடுங்கோபம் பேரதிர்ச்சி, சிறிய கோபம்
ஆபத்தாம், அதிர்ச்சியிலே சிறிய தாகும்:
அச்சத்தால் நாடியெல்லாம் அவிந்து போகும்:
தாபத்தால் நாடியெல்லாம் சிதைந்து போகும்:
கவலையினால் நாடியெல்லாம் தழலாய் வேகும்:
கோபத்தை வென்றிடலே பிறவற் றைத்தான்
கொல்வதற்கு வழியெனநான் குறித்திட்டேனே. (14)