பாரதி பக்கம்

ஏப்ரல் 12, 2001

மாங்கொட்டைதச் சாமி புகழ் சிறிது சொன்னோம்:

வண்மை திகழ் கோவிந்த ஞானி, பார்மேல்

யாங்கற்ற கல்வியெலாம் பலிக்கச் செய்தான்:

எம்பெருமான் பெருமையில் கிசைக்கக் கேளீர்!

தீங்கற்ற குணமுடையான் புதுவை யூரார்

செய்தபெருந் தவத்தாலே உதித்த தேவன்

பாங்குற்ற மாங்கொட்டைச் சாமி போலே

பயிலுமதி வர்ணாசிர மத்தே நிற்போன். (37)

அன்பினால் முக்தியென்றான் புத்தன் அந்நாள்:

அதனையிந்நாட் கோவிந்த சாமி செய்தான்:

துன்பமுறும் உயிர்களெல்லாம் தாயைப் போலே

சுரக்குமரு ளூடையபிரான் துணிந்த யோகி

அன்பினுக்குக் கடலையுந்தான் விழுங்க வல்லான்:

மன்பதைகள் யாவுமிங்கே தெய்வம் என்ற

மதியுடையான், கவலையெனும் மயக்கம் தீர்ந்தான்: (38)

பொன்னடியால் என்மனையைப் புனிதமாக்கப்

போத்தாளிம் முனியொருநாள்: இறந்த எந்தை

தன்னுருவங் காட்டினான்: பின்னர் என்னைத்

தரணிமிசைப் பெற்றவனின் வடிவ முற்றான்:

அன்னவன் யோகியென்றும் பரம ஞானத்

தனுபூதி யுடையனென்றும் அறிந்து கொண்டேன்:

மன்னவனைக் குருவெனநான் சரண டைந்தேன்:

மரணபயம் நீங்கினேன்: வலிமை பெற்றேன். (39)