பாரதி பக்கம்

ஏப்ரல் 29, 2001

இவ்வுலகம் ஒன்று,

ஆண், பெண், மனிதர், தேவர்,

பாம்பு,பறவை, காற்று, கடல்,

உயிர், இறப்பு- இவை யனைத்தும் ஒன்றே.

ஞாயிறு, வீட்டுச் சுவர், மலை, யருவி,

குழல், கோமேதகம்- இவ் வனைத்தும் ஒன்றே.

இன்பம், துன்பம்,பாட்டு,

வண்ணான், குருவி,

மின்னல், பருத்தி,

இஃதெல்லாம் ஒன்று,.

மூடன், புலவன்,

இரும்பு, வெட்டுக்கிளி-

இவை ஒரு பொருள்

வேதம்,ஸ கடல்மீன், புயற்காற்று, மல்லிகைமலர்-

உள்ள தெல்லாம் ஒரே பொருள், ஒன்று,

இந்த ஒன்றின்பெயர் தான்

தானே தெய்வம்,

தான் அமுதம், இறவாற்று.